02.04.2026 | 12:34
«Թրամփի ուղու» համաձայնագիրը խախտել է 1828թ-ից գործող հավասարակշռությունը Հարավային Կովկասում. Օվերչուկ
Թուրքիայի իշխանությունները հայտնել են ՌԴ-ից Վրաստան ուղևորվող լցանավի վրա թուրքական ափերի մոտ հարձակման մասին
Քաղաքականություն
02.12.2025 | 12:40
Թուրքիայի Տրանսպորտի և ենթակառուցվածքների նախարարության ծովային գործերի գլխավոր վարչությունը հայտարարել է, որ Ռուսաստանից Վրաստան ուղևորվող արևածաղկի ձեթով բեռնված MIDVOLGA-2 լցանավը հարձակման է ենթարկվել թուրքական ափից 80 մղոն հեռավորության վրա։ Նավն ուղևորվում էր դեպի թուրքական Սինոպ նավահանգիստ։
TRT Haber-ը գրում է, որ նավի անձնակազմի 13 անդամները չեն տուժել և օգնություն չեն խնդրել։ Նավն այժմ նավարկում է դեպի Սինոպ։
Ռուսական ՏԱՍՍ գործակալությունը պարզաբանել է, որ MIDVOLGA-2-ը ռուսական նավ է, որը գրանցված է Սանկտ Պետերբուրգի նավահանգստում և գործում է Ռուսաստանի դրոշի ներքո։
Նախորդ ուրբաթ էլ Գամբիայի դրոշի ներքո նավարկող երկու պատժամիջոցների տակ գտնվող լցանավեր Սև ծովում թուրքական ջրերում հարձակման էին ենթարկվել ուկրաինական անօդաչու նավակների կողմից Ռուսաստանի նավահանգիստներ տանող ճանապարհին։
Թարգմանությունը՝ Էմմա Չոբանյանի
