01.10.2026 | 13:50
50 տարով վարձակալված 10 հազար քմ այգին վերադարձվել է Սիսիան համայնքին
2024, 2025 և 2026 թվականների արտադրության էլեկտրական շարժիչով մեքենաների ներմուծումը կազատվի ԱԱՀ-ից․ ՏԵՍԱՆՅՈՒԹ
Տնտեսություն
02.12.2025 | 12:06
Էլեկտրական ավտոմեքենաների ներմուծման համար ավելացված արժեքի հարկից ազատման արտոնության ժամկետը կերկարաձգվի ևս մեկ տարով՝ մինչև 2026 թվականի դեկտեմբերի 31-ը, սակայն արտոնությունը կտարածվի միայն 2024 թվականի և ավելի բարձր տարեթվերի արտադրության ավտոմեքենաների վրա: Էկոնոմիկայի նախարար Գևորգ Պապոյանը Ազգային ժողովում նշեց, որ ներկայում նշված էլեկտրական շարժիչով մեքենաներն ազատված են ԱԱՀ-ից մինչև 2026 թվականի հունվարի 1-ը:
Այս արտոնությունը գործել է 2019 թվականից: Էլեկտրական տրանսպորտային միջոցների՝ երրորդ երկրներից ներմուծման համար ներկայում գործում է նաև մաքսատուրքից ազատման արտոնություն:
Մաքսային միության հանձնաժողովի որոշման համաձայն՝ Հայաստանը 2022 թվականին ունեցել է 7000, 2023-ին, 2024-ին և 2025-ին՝ 8000-ական միավոր էլեկտրական շարժիչով ավտոմեքենաների սակագնային քվոտա, որոնց ներմուծման դեպքում մաքսատուրք չի գանձվում:
Այս տարեսկզբից մինչև նոյեմբերի 19-ը, ՊԵԿ-ի ներկայացրած տվյալների համաձայն, արդեն իսկ Հայաստան է ներմուծվել էլեկտրական շարժիչով 7 ավտոբուս, 16 հազար 381 ավտոմեքենա և 2479 մոպեդ: Կանխատեսվում է, որ նախորդ տարվա համեմատ՝ 2 անգամ ավելի շատ էլեկտրական մեքենա կներմուծվի:
Մանրամասները՝ տեսանյութում։
Եվգենյա Համբարձումյան
