19.08.2026 | 11:48
Ուկրաինայի ՊՆ նախկին ղեկավարն ընտրություններ անցկացնելու կոչ է արել և քննադատել իշխանություններին
ՖԻԴե. Հայ շախմատիստների դիրքերը դասակարգման աղյուսակում
01.12.2025 | 18:08
Շախմատի միջազգային ֆեդերացիան (ՖԻԴԵ) ներկայացրել է դեկտեմբերի դասակարգման աղյուսակը։
100 ուժեղագույն շախմատիստների ցանկում Հայաստանն ունի միայն 1 ներկայացուցիչ։ Շանթ Սարգսյանը (2665 վարկանիշ) նահանջել է 2 աստիճան և զբաղեցնում է 52-րդ տեղը։
Դասակարգման աղյուսակի անփոփոխ առաջատարն է աշխարհի 16-րդ չեմպիոն Մագնուս Կառլսենը (2840)։ Նորվեգացի գրոսմայստերին հաջորդում են ԱՄՆ-ի ներկայացուցիչներ Հիկարու Նակամուրան (2810) և Ֆաբիանո Կարուանան (2795), իսկ աշխարհի գավաթի խաղարկության նորընծա հաղթող, ուզբեկ գրոսմայստեր Ջավոխիր Սինդարովը բարձրացել է 22-րդ տեղ։
Հայաստանի հավաքականի նախկին առաջատար, այժմ ԱՄՆ-ը ներկայացնող Լևոն Արոնյանը 2729 վարկանիշով բարձրացել է 20-րդ տեղ։
Կանանց դասակարգման աղյուսակի թոփ-100-ում են Հայաստանի ներկայացուցիչներ Էլինա Դանիելյանը (2408 վարկանիշ, 37-րդ տեղ), Լիլիթ Մկրտչյանը (2366 վարկանիշ, 75-րդ տեղ) և Մարիամ Մկրտչյանը (2353 վարկանիշ, 90-րդ տեղ)։
