30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Վալոդյա Գրիգորյանի սպանության համար մեղադրվողը կալանավորված կմնա
Հասարակություն
01.12.2025 | 16:48
Փարաքարի համայնքապետ Վալոդյա Գրիգորյանի սպանության համար մեղադրվող Գևորգ Հարությունյանի կալանքի ժամկետը 2 ամսով երկարաձգվել է։ Factor TV-ին այս մասին հայտնում են Քննչական կոմիտեից։
Դատարանը բավարարել է նախաքննական մարմնի միջնորդությունը։
Հիշեցնենք՝ սեպտեմբերի 23-ի ուշ երեկոյան Մերձավանում՝ Փարաքար համայնքի ղեկավար Վալոդյա Գրիգորյանի տան բակում, դիմակավորված անձը մոտեցել է կանգնած 3 անձանց, կրակահերթ արձակել և հեռացել: Միջադեպի հետևանքով սպանվել են Վալոդյա Գրիգորյանը և ՀՀ ոստիկանության քրեական հետախուզության գլխավոր վարչության օպերլիազոր Կարեն Աբրահամյանը, որը դեպքի պահին ծառայության մեջ չի եղել։ Դեպքի վայրում վիրավորում է ստացել ևս մեկ քաղաքացի՝ Արծրուն Գալստյանը։
Դեպքից հետո ձերբակալվել են նույն գյուղի բնակիչներ Նարեկ Օհանյանը և Գևորգ Հարությունյանը։
Գևորգ Հարությունյանին մեղադրանք է առաջադրվել ապօրինի զենքի շրջանառության և սպանության, Նարեկ Օհանյանին՝ սպանությանն օժանդակելու հատկանիշներով։ Օհանյանը փետրվարին Մերձավանում սպանված Գրիգոր Օհանյանի եղբայրն է։ Օհանյան եղբայրներն Ախտոյանների ազգականներն են։ Վալոդյա Գրիգորյանի սպանությունից հետո ստորագրահավաք էր նախաձեռնվել, որ Ախտոյաններին վտարեն Մերձավանից։
Եվգենյա Համբարձումյան
