31.10.2026 | 22:55
Հայտնաբերվել է զինծառայողի դի. ՊՆ
Պուտինի և Ուիթկոֆի հանդիպումը նախատեսված է երեքշաբթի՝ օրվա երկրորդ կեսին․ Կրեմլ
Քաղաքականություն
01.12.2025 | 15:15
Ռուսաստանի նախագահ Վլադիմիր Պուտինը պատրաստվում է վաղվա ռուս-ամերիկյան շփումներին ԱՄՆ նախագահի հատուկ ներկայացուցիչ Սթիվ Ուիթկոֆի հետ։ Այս կապակցությամբ նա մի քանի ոչ հրապարակային խորհրդակցություններ կանցկացնի, հայտարարել է ՌԴ նախագահի մամուլի քարտուղար Դմիտրի Պեսկովը, գրում է Ինտերֆաքսը։
«Վաղը նախատեսված է հանդիպում Ուիթկոֆի հետ։ Նախագահն այսօր մի քանի ոչ հանրային խորհրդակցություններ կունենա՝ ռուս-ամերիկյան շփումներին նախապատրաստվելու շրջանակում»,- նշել է նա։
Պեսկովի խոսքով՝ Ուիթկոֆի հետ հանդիպումը նախատեսված է երեքշաբթի օրվա երկրորդ կեսին։
Ինչ վերաբերում է Ուիթկոֆի Մոսկվա այցի լուսաբանմանն ու բանակցությունների արդյունքներին, այդ թվում՝ երկու կողմերի հնարավոր հայտարարությանը, Կրեմլի խոսնակն ասել է՝ հանդիպման սկզբից կադրեր կլինեն»։
Կրեմլի խոսնակը նախկինում հայտարարել էր, որ մինչև ամերիկյան պատվիրակության Մոսկվա ժամանումը, ռուսական կողմն ակնկալում է ստանալ ավելի ամբողջական տեղեկատվություն Կիևի հետ համաձայնեցված խաղաղության ծրագրի կետերի վերաբերյալ։
«Մենք ստանում ենք որոշակի կետեր, որոնք նրանք համաձայնեցնում են (Ժնևում): Եվ մինչև Պուտինի հանդիպումը ժամանող պատվիրակության հետ հաջորդ շաբաթ, մենք կունենանք տեղեկատվություն այն հարցերի վերաբերյալ, որոնք, այսպես ասած, քննարկվել և համաձայնեցվել են»,- ասել էր նա «Առաջին ալիք»-ին տված հարցազրույցում։
Հիշեցնենք, որ Ուկրաինայում պատերազմի ավարտի պայմանների վերաբերյալ Ֆլորիդայում ամերիկյան և ուկրաինական պատվիրակությունների միջև բանակցություններն ավարտվել էին նոյեմբերի 30-ի երեկոյան։ ԱՄՆ պետքարտուղար Մարկո Ռուբիոն դրանք որակել է «շատ արդյունավետ»։
Թարգմանությունը՝ Էմմա Չոբանյանի
