19.05.2026 | 11:20
Դիմում ենք Հայաստանում հավատարմագրված դեսպաններին ու դիտորդներին. «Հայաստան» դաշինքի հայտարարությունը
Վարչապետ Փաշինյանը շնորհավորական ուղերձ է հղել Ռումինիայի վարչապետին
01.12.2025 | 14:52
ՀՀ վարչապետի աշխատակազմից հայտնում են, որ վարչապետ Նիկոլ Փաշինյանը շնորհավորական ուղերձ է հղել Ռումինիայի վարչապետ Իլիե Բոլոժանին ազգային տոնի՝ Մեծ Միավորման օրվա առթիվ:
Ուղերձում նշված է.
«Ջերմորեն շնորհավորում եմ Ձեզ և Ռումինիայի բարեկամ ժողովրդին ազգային տոնի՝ Մեծ միավորման օրվա առթիվ:
Ուրախությամբ եմ արձանագրում մեր բարեկամ երկրների միջև փոխշահավետ գործընկերության շարունակական խորացումն ու ընդլայնումը։ Նախորդ տարիների ընթացքում Հայաստանի և Ռումինիայի միջև հարաբերությունները նշանավորվել են ակտիվ քաղաքական երկխոսությամբ, առևտրատնտեսական շրջանառության ծավալների աճով և երկկողմ համագործակցության ոլորտային ուղղությունների զարգացմամբ։
Լիահույս եմ, որ համատեղ ջանքերով կնպաստենք մեր երկրների միջև ամուր բարեկամության վրա խարսխված երկկողմ միջկառավարական կապերի հետագա զարգացմանը։
Բարձր եմ գնահատում Ռումինիայի աջակցությունը Հայաստան-Եվրոպական միություն գործընկերության խորացման և Հարավային Կովկասում կայուն խաղաղության և համագործակցային միջավայրի հաստատման գործում։
Մաղթում եմ Ձեզ քաջառողջություն և հաջողություններ, իսկ Ռումինիայի ժողովրդին՝ խաղաղություն և բարգավաճում»։
