02.10.2026 | 14:10
Գորիսում և Գավառում քաղաքացիական կամքի դաշինք ենք առաջարկում․ Մենուա Սողոմոնյան․ ՏԵՍԱՆՅՈՒԹ
«Բարսելոնան» Լա լիգայում շրջանցել է «Ռեալին»․ ՏԵՍԱՆՅՈՒԹ
01.12.2025 | 12:12
Իսպանիայի Լա լիգայում առաջատարի փոփոխություն է տեղի ունեցել 14-րդ տուրի արդյունքում։
Մադրիդի «Ռեալը» չի կարողացել պահպանել առաջատարի դիրքը՝ 1։1 հաշվով ավարտելով արտագնա հանդիպումը կատալոնական «Ժիրոնայի» հետ։ «Արքայական ակումբի» պատասխան գոլը 67-րդ րոպեին խփել է ֆրանսիացի հարձակվող Կիլիան Մբապեն, որն անվրեպ է իրացրել 11-մետրանոց հարվածը։ 26-ամյա Մբապեն 14 գոլով միանձնյա գլխավորում է ռմբարկուների ցուցակը։
Նոր առաջատար է դարձել կատալոնական «Բարսելոնան», որը սեփական խաղադաշտում 3:1 հաշվով ուժեղ է գտնվել «Ալավեսից»։ Խաղի առաջին րոպեին գոլ բաց թողնելուց հետո Հանս-Դիտեր Ֆլիկի գլխավորած թիմը հասել է կամային հաղթանակի։ Հաշիվը հավասարեցրել է իսպանացի հարձակվող Լամին Յամալը, այնուհետև դուբլի հեղինակ է դարձել նրա հայրենակից, 27-ամյա կիսապաշտպան Դանի Օլմոն։
«Բարսելոնան» մրցաշարային աղյուսակը գլխավորում է 34 միավորով, իսկ «Ռեալը» 33 միավորով երկրորդն է։ Լավագույն եռյակը եզրափակող «Վիլյառեալն» ունի 32 միավոր։
