19.08.2026 | 14:13
4-րդ հանրապետության ճարտարապետը Թուրքիան է, իսկ կոնստրուկտորը՝ Ադրբեջանը․ Իշխան Սաղաթելյան․ ՏԵՍԱՆՅՈՒԹ
Երևանի և 3 այլ քաղաքների մանկապարտեզներում վաղ մանկության տարիքի խմբեր են գործարկվելու
Հասարակություն
29.11.2025 | 15:05
2025-2026 ուսումնական տարում Երևանի քաղաքապետարանի, Գյումրիի, Վանաձորի և Հրազդանի համայնքապետարանների ենթակայությամբ գործող նախադպրոցական ուսումնական 9 հաստատություններում գործարկվելու են վաղ մանկության տարիքի խմբեր: Նախագիծը հանրային քննարկման է ներկայացվել Կրթության, գիտության,մշակույթի և սպորտի նախարարության կողմից։
Նախատեսվում է նվազեցնելով նշված խմբերում սաների ընդգրկվածության առավելագուն թիվը:
«Հաշվի են առնվել սաների խնամքի բաղադրիչի առաջնայնությունը, այս տարիքի երեխաների (0-1 և 1-2 տարեկան) զարգացման, քնելու և սնվելու ռեժիմի առանձնահատկությունները և անհատական մոտեցման անհրաժեշտությունը (առողջական վիճակը, ալերգիկ ռեակցիաների, ատամների ծկլտման գործընթացը, այլ խնդիրեր)»,-նշվում է հիմնավորման մեջ:
Տարիքային խմբերում սաների առավելագույն թիվ կսահմանվի՝
1) վաղ մանկության տարիքի առաջին խումբ (0-1 տարեկան)՝ 10 սան (15-ի փոխարեն),
2) վաղ մանկության տարիքի երկրորդ խումբ (1-2 տարեկան)՝ 15 սան (20-ի փոխարեն)։
Եվգենյա Համբարձումյան
