03.08.2026 | 13:56
Մարոկկոյում նշել են իսպանական Սեուտա միգրանտների զանգվածային ներխուժման պատճառը
Անկարայում Թուրքիայի, Ադրբեջանի և Վրաստանի հատուկ նշանակության ուժերը զորավարժություններ են անցկացրել
Քաղաքականություն
28.11.2025 | 14:21
Անկարայում անցկացվել են «Կովկասյան արծիվ 2025» համատեղ մարտավարական և հատուկ զորավարժությունները՝ Ադրբեջանի, Թուրքիայի և Վրաստանի հատուկ նշանակության ուժերի ստորաբաժանումների մասնակցությամբ։ Այս մասին հայտնում է Ադրբեջանի ՊՆ-ն։
Նշվում է, որ տարածաշրջանում անվտանգության և պաշտպանության ոլորտում երեք եղբայրական երկրների միջև համագործակցության հետագա ամրապնդմանն ուղղված զորավարժությունները հատուկ նշանակություն ունեն մասնակից ստորաբաժանումների փոխգործունակության, արագ արձագանքման, համակարգման և մարտական պատրաստության ընդլայնման առումով։
Վարժանքներին հետևել են Ադրբեջանի հատուկ նշանակության ուժերի հրամանատար, գեներալ-մայոր Ալեքպեր Ջահանգիրովը, այլ երկրների բարձրաստիճան սպաներ: Հրամանատարներին ներկայացվել են զորավարժությունների փուլերի, նպատակների և արդյունքների վերաբերյալ մանրամասն զեկույցներ:
Հաղորդվում է, որ զորավարժությունների ընթացքում հատուկ նշանակության ուժերը հաջողությամբ կատարել են առաջադրանքներ տարբեր դրվագներում՝ ցուցադրելով բարձր մարտական պատրաստվածություն և մարտավարական մանևրելու ունակություն՝ համագործակցելով հրթիռային, հրետանային և ավիացիոն ստորաբաժանումների հետ։
Թարգմանությունը՝ Էմմա Չոբանյանի
