07.12.2025 | 18:30
Իրավիճակը՝ 18:10-ի դրությամբ․ հանրապետության որոշ հատվածներում ձյուն է տեղում, որոշներում՝ ձնախառն անձրև
Կոնֆերենցիաների լիգա․ «Նոան» ոչ-ոքի խաղաց Շոտլանդիայում․ ՏԵՍԱՆՅՈՒԹ
28.11.2025 | 01:59
Կոնֆերենցիաների լիգայի չորրորդ տուրում Հայաստանի չեմպիոն «Նոան» 1։1 հաշվով ավարտեց շոտլանդական «Աբերդինի» դեմ արտագնա հանդիպումը։
Խաղի հաշիվն առաջին խաղակեսի վերջնամասում բացեցին դաշտի տերերը։ 45-րդ րոպեին աչքի ընկավ շոտլանդացի կիսապաշտպան Կևին Նիսբեթը (տեսանյութ)։
«Նոան» պատասխանեց երկրորդ խաղակեսի սկզբնամասում։ 52-րդ րոպեին հաշիվը հավասարեցրեց Նարդին Մուլահուսեյնովիչը։ Բոսնիացի հարձակվողը Կոնֆերենցիաների լիգայի ընթացիկ մրցաշրջանում գոլ խփեց չորրորդ խաղում անընդմեջ (տեսանյութ)։
4 խաղից հետո երևանյան ակումբն ունի 5 միավոր և 23-րդ տեղում է։ «Աբերդինը» հավաքել է 2 միավոր և 33-րդն է։
Նախորդ 3 խաղերում «Նոան» հաղթել էր խորվաթական «Ռիեկային» (1։0), ոչ-ոքի գրանցել ռումինական «Ունիվերսիտատեա Կրայովայի» հետ (1։1) ու պարտվել Չեխիայի գավաթակիր «Սիգմային» (1։2)։ Լիգայի փուլում հայկական ակումբը մրցելու է նաև լեհական «Լեգիայի» (դեկտեմբերի 11) ու Կիևի «Դինամոյի» (դեկտեմբերի 19) հետ։
Լուսանկարը՝ «Նոայի» մամուլի ծառայության։
