09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Արման Ծառուկյանը պատրաստ է մենամարտել Քոնոր Մաքգրեգորի հետ
27.11.2025 | 14:36
Հայ մարտիկ Արման Ծառուկյանը հայտարարել է, որ պատրաստ է մենամարտել UFC-ի 2 քաշային կարգերում նախկին չեմպիոն, իռլանդացի Քոնոր Մաքգրեգորի հետ, եթե չստանա թեթև քաշային կարգում (մինչև 70 կգ) գործող չեմպիոն Իլյա Տոպուրիայի հետ մենամարտ անցկացնելու հնարավորություն։ Օրեր առաջ Ծառուկյանը Դոհայում կայացած UFC Fight Night 265 մրցաշարի գլխավոր մենամարտում խեղդող հնարքով ժամկետից շուտ հաղթել էր նորզելանդացի Դեն Հուկերին և դարձել թեթև քաշային կարգում չեմպիոնության հավակնորդ։
«Ոչ մի դեպքում պատրաստ չեմ ևս մեկ անգամ մենամարտել մինչև տիտղոսային հանդիպում անցկացնելը։ Եթե մրցակիցը չլինի Քոնոր Մաքգրեգորը, ես չեմ մենամարտի։ Սակայն Մաքգրեգորը երբեք չի մենամարտի իմ դեմ, իսկ UFC երբեք ինձ թույլ չի տա հանդիպել Քոնորի հետ։ Ես պարզապես սարսափ եմ նրա համար։ Դա նույնն է, որ Պիմբլետը մենամարտի Տոպուրիայի հետ՝ չնայած գոնե մարդիկ կծիծաղեն»,- ասել է Արման Ծառուկյանը Դենիել Կորմյեի հետ հարցազրույցում։
29-ամյա Ծառուկյանը խառը մենամարտերում անցկացրել է 26 հանդիպում, տարել 23 հաղթանակ ու կրել 3 պարտություն։ Նա UFC-ի թեթև քաշային կարգի դասակարգման առաջատարն է։
