04.06.2026 | 18:28
UFC-ի չեմպիոնին արգելել են ներկա գտնվել Սպիտակ տան մրցաշարին Թրամփի և Նեթանյահուի մասին հայտարարություններից հետո
ChatGPT-ն կապ չունի դեռահասի ինքնասպանության հետ. Open AI-ի հայտարարությունը
Հաղորդաշարեր
26.11.2025 | 22:29
OpenAI-ը հերքել է դեռահասի ինքնասպանության համար մեղավորության մասին մեղադրանքները, այն բանից հետո, երբ օգոստոսին մի ընտանիք դատի է տվել ընկերությանը՝ պնդելով, որ 16-ամյա դեռահասը ChatGPT-ն օգտագործել է որպես «ինքնասպանության ուսուցիչ», գրում է Euronews-ը։
OpenAI-ը՝ արհեստական բանականությամբ (AI) աշխատող չաթբոտի մշակողը, իր առաջին պաշտոնական պատասխանն է ներկայացրել Սան Ֆրանցիսկոյի Գերագույն դատարանում։
Ընկերության գործադիր տնօրեն Սեմ Ալթմանի դեմ հայցը ներկայացրել են ապրիլին ինքնասպանություն գործած 16-ամյա Ադամ Ռեյնի ծնողները։ Նրանք պնդում են, որ Ռեյնը հոգեբանական կախվածություն է ձեռք բերել ChatGPT-ից. ասում են՝ ծառայությունը նրան խրախուսել է ծրագրել և ինքնասպանություն գործել այս տարի, նույնիսկ ինքնասպանության նամակ է գրել նրա համար։
Դատարան ներկայացրած դիմումում OpenAI-ը պնդում էր, որ «ողբերգական իրադարձությունը» տեղի է ունեցել Ռեյնի կողմից ChatGPT-ի «անպատշաճ, չարտոնված, չնախատեսված, անկանխատեսելի և/կամ անպատշաճ օգտագործման» պատճառով։ OpenAI-ը հավելել է, որ դեռահասը չպետք է օգտագործեր տեխնոլոգիան առանց ծնողների համաձայնության և չպետք է շրջանցեր ChatGPT-ի անվտանգության մեխանիզմները։
Ռեյնի ընտանիքի փաստաբան Ջեյ Էդելսոնը NBC News-ին ասել է, որ OpenAI-ը «լիովին անտեսել է ներկայացված բոլոր փաստերն այն մասին, թե ինչպես է GPT-ն շտապ շուկա ներմուծվել առանց պատշաճ թեստավորման»։
Ռեյնի գործը մի քանի դատական հայցերի շարքում է, որոնցում պնդվում է, որ ChatGPT-ն մարդկանց դրդել է ինքնասպանության վարքագծի կամ վտանգավոր մտքերի։
Թարգմանությունը՝ Էմմա Չոբանյանի
