11.08.2026 | 17:49
Հունգարիան նոր նախագահ ունի
Քննարկվել են զորահավաքային նախապատրաստության և քաղպաշտպանության ոլորտներում համագործակցությանն առնչվող հարցեր
01.11.2018 | 13:30
ՀՀ տրանսպորտի, կապի և տեղեկատվական տեխնոլոգիաների նախարարի տեղակալի պաշտոնակատար Արմեն Արզումանյանը և Զորահավաքային նախապատրաստության և քաղաքացիական պաշտպանության բաժնի պետ Արտակ Կիրակոսյանը այցելել են «ՄՏՍ-Հայաստան» ՓԲ ընկերություն՝ քննարկելու զորահավաքային նախապատրաստության և քաղաքացիական պաշտպանության ոլորտներին վերաբերող իրավական ակտերը և այն հիմքային աշխատանքների իրականացման գործընթացը, որը կնպաստի հետագա համատեղ աշխատանքների արդյունավետության բարձրացմանը. տեղեկացնում է ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայությունը:
Արմեն Արզումանյանը նշել է, որ զորահավաքային նախապատրաստության փուլում, ռազմական դրության և արտակարգ իրավիճակների ժամանակ, պետության միասնական կառավարման համակարգի հիմքում ընկած է կապի արդյունավետ և անխափան կազմակերպումը: Այդ նպատակով մի շարք աշխատանքներ են իրականացվել։ Մասնավորապես, որոշ չափով կարգավորվել է օրենսդրական դաշտը, սակայն դեռ կան բացեր, որոնք լրացվելու են համատեղ աշխատանքների արդյունքում:
Հանդիպման ընթացքում ձեռք է բերվել պայմանավորվածություն՝ զորահավաքային նախապատրաստության և քաղաքացիական պաշտպանության ոլորտներում առավել արդյունավետ դարձնելու ՀՀ տրանսպորտի, կապի և տեղեկատվական տեխնոլոգիաների նախարարության և «ՄՏՍ-Հայաստան» ընկերության միջև համագործակցությունը:
