29.07.2026 | 17:53
Զելենսկին Թրամփից 300 Patriot հրթիռ է խնդրել՝ ձմռանն Ուկրաինայի էներգետիկ ոլորտը պաշտպանելու համար
Տեսնում եմ՝ Ալեն Սիմոնյանն է եկել, ինչի՞ չի իջնում․ Անժելա Թովմասյան․ ՏԵՍԱՆՅՈՒԹ
26.11.2025 | 13:25
«Ես այնտեղ վերևում տեսնում եմ՝ Ալեն Սիմոնյանն է եկել։ Շատ հետաքրքիր է, էլի, օրինակ ինչի՞ չի իջնում, իջնի, տեսնի՝ ինչ են ասում։ Օրինակ, շատ հետաքրքիր կլիներ՝ իջներ այս մարդկանց դեմքերին նայեր, աչքերի մեջ։ Օրինակ, ի՞նչ կմտածի, որ նայի Լիդիայի աչքերի մեջ, սրբազանի աչքերի մեջ։ Չնայած մյուս կողմից էլ կասեն՝ այս ի՞նչ միամիտ բան ես ասում՝ բարոյականություն, աչքեր, ապրումներ, ապրումակցում»,-ԱԺ-ում հրավիրված լսումների ժամանակ ասաց «Հայելի» մամուլի ակումբի հիմնադիր-տնօրեն Անժելա Թովմասյանը։
Նրա խոսքով՝ պետք է ոչ թե կենտրոնանալ «քաղբանտարկյալներին ազատ արձակելու», այլ գործող իշխանությունից ազատվելու վրա։
«Ինչպե՞ս ենք ազատագրվելու Նիկոլից, ինչպե՞ս ենք ազատագրվելու Ալենից։ Այսօր այդ հարցն է։ Այսօր այն հարցը չէ՝ այս քաղբանտարկյալները ինչի են այստեղ, որովհետև 2018 թվականին, որ եկել էին, անտարբեր նստած էինք։
Կնոջը ձերբակալել են, սրբազաններին ձերբակալել են, Վեհափառի վրա են գնում, հասարակությունը անտարբեր է։ Ո՞վ է մեղավոր։ Հիմա պիտի ասենք՝ ժողովուրդը։ Չէ՛, ժողովուրդը մեղավոր չէ, ժողովուրդը մի քանի անգամ փորձել է։ Մենք վերանայե՞լ ենք, մենք քննարկե՞լ ենք, մենք փորձե՞լ ենք հասկանալ՝ որտեղ սխալվեցինք, ի՞նչ տեղի ունեցավ, ինչի՞ ենք մենք այս վիճակի մեջ»,-ասաց Թովմասյանը։
Հիշեցնենք՝ Անժելա Թովմասյանը Սահմանադրական դատարանի դատավոր Հրայր Թովմասյանի քույրն է։
Մանրամասները՝ տեսանյութում։
