29.07.2026 | 16:19
Թուրքիայում անտառային հրդեհներ են մոլեգնում․ ՏԵՍԱՆՅՈՒԹ
Հայաստանում մեկնարկել է «Ընդդեմ գենդերային բռնության ակտիվության 16-օրյակ» քարոզարշավը․ ԱՆ-ն միացել է նախաձեռնությանը
Հասարակություն
25.11.2025 | 13:58
Արդարադատության նախարարությունից հայտնում են, որ գերատեսչությունն աջակցում է կանանց իրավունքների պաշտպանությանը, բռնության կանխարգելմանն ուղղված քայլերի ամրապնդմանը ու միացել է «Ընդդեմ գենդերային բռնության ակտիվության 16-օրյակ» քարոզարշավին։
«Կանանց նկատմամբ բռնության վերացման միջազգային օրվա կապակցությամբ նոյեմբերի 25-ին Հայաստանում մեկնարկել է «Ընդդեմ գենդերային բռնության ակտիվության 16-օրյակ» քարոզարշավը։ Այն նպատակ ունի բարձրացնել հասարակության իրազեկվածությունը գենդերային բռնության բոլոր ձևերի վերաբերյալ, խթանել կանխարգելիչ քայլերը և զարգացնել ոլորտում գործունեություն իրականացնող կառույցների համագործակցությունը։
Արդարադատության նախարարությունը միանում է այս նախաձեռնությանը՝ աջակցելով կանանց իրավունքների պաշտպանությանը, բռնության կանխարգելմանն ուղղված քայլերի ամրապնդմանը և համատեղ ջանքերով ավելի անվտանգ միջավայրի ձևավորմանը»,- ասված է հաղորդագրությունում։
