10.10.2026 | 10:24
Պլանային ջրանջատում Սյունիքի մարզում
Մհեր Սեդրակյանն ու Գագիկ Բեգլարյանը վկայի կարգավիճակով հարցաքննվել են. Սասուն Խաչատրյան. ՏԵՍԱՆՅՈՒԹ
Հասարակություն
01.11.2018 | 11:50
ՀՀ տրանսպորտի և կապի նախկին նախարար Գագիկ Բեգլարյանն ու ԱԺ նախկին պատգամավոր Մհեր Սեդրակյանը վկայի կարգավիճակով հարցաքննվել են։ Այս մասին այսօր լրագրողների հետ զրույցում ասաց ՀՔԾ պետ Սասուն Խաչատրյանը։
Հիշեցնենք, որ խոսքը առերևույթ չարաշահումների վերաբերյալ քրեական գործին է վերաբերում։ Մասնավորապես 500,000 դոլարի յուրացման մասին է խոսքը։ Ըստ «Ունիվերսալ» վարկային կազմակերպության տնօրենի ներկայացրած ցուցմունքների՝ որպես վարկային կազմակերպության նախկին գործադիր տնօրենից նրա բաժնեմասը շորթելուն, բանկային գաղտնիք կազմող տեղեկություններ ապօրինի հավաքելուն առնչություն ունեցած անձի՝ մատնանշվել է ՀՀ տրանսպորտի և կապի նախկին նախարար Գ. Բեգլարյանի և Մհեր Սեդրակյանի անունները։
Նրանք այս պահին ,ՀՔԾ պետի խոսքով, այս գործով այլ կարգավիճակ չունեն։
Մանրամասները՝ տեսանյութում։
