Բաքու այցելության ընթացքում համոզվեցինք՝ ինչ-որ խոսում ենք, տեղ է հասնում․ Նավասարդյան․ ՏԵՍԱՆՅՈՒԹ

«Սա ոչ թե քաղաքացիական հասարակության կամ փորձագիտական հանրության ներկայացուցիչների մաքուր նախաձեռնությունն է, որը որևէ կերպ չի համադրվում պետական քաղաքականության հետ, կամ պաշտոնական գործընթացի հետ, սա համադրվում է պաշտոնական գործընթացի հետ, և սա մեկուկես է, այն առումով, որ, բնականաբար, այստեղ կա օրակարգ, որը կիսվում է պաշտոնական կառույցների կողմից և՛ Բաքվում, և՛ Երեւանում»,-հրավիրված մամուլի ասուլիսի ժամանակ ասաց Երևանի մամուլի ակումբի պատվավոր նախագահ Բորիս Նավասարդյանը։

Նշենք՝ «Խաղաղության կամուրջ» նախաձեռնության շրջանակներում Հայաստանից քաղաքացիական հասարակության ներկայացուցիչների խումբը մեկնել էր Բաքու` տեղում քաղհասարակության և իշխանության ներկայացուցիչների հետ հանդիպումներ ունենալու նպատակով։

«Մենք ունեինք երկու հիմնական ուղղություն մեր գործունեության առումով։ Առաջինը՝ աշխատել որպես կոմունիկատորներ: Այսինքն՝ այն գաղափարները խաղաղության և հակամարտության հաղթահարման առումով և գործընթացում, որոնք կան մեր հասարակությունում, հնարավորինս փոխանցել մեր գործընկերներին Ադրբեջանում և փոխանցել պաշտոնական կառույցներին: Նույն նպատակը ենթադրում եմ, ունեին նաև մեր ադրբեջանցի գործընկերները: Եվ մեզ համար կարևոր էր համոզվել, որ մեր մտքերը հասնում է նաև, ինչպես ասում են, վերևներին։ Եվ եթե երևանյան հանդիպման ժամանակ մենք համոզվեցինք, որ մենք իրար հասկանում ենք, Բաքվի այցելության ընթացքում մենք համոզվեցինք՝ ինչ խոսում ենք, տեղ է հասնում»,-նշեց Նավասարդյանը։

Մանրամասները՝ տեսանյութում։