07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Արման Ծառուկյանը ձեռնոց է նետել UFC-ի չեմպիոն Իլյա Տոպուրիային․ ՏԵՍԱՆՅՈՒԹ
23.11.2025 | 01:39
UFC-ի թեթև քաշային կարգի (մինչև 70 կգ) դասակարգման առաջատար Արման Ծառուկյանը նորզելանդացի Դեն Հուկերի նկատմամբ տպավորիչ հաղթանակից հետո ձեռնոց է նետել գործող չեմպիոն Իլյա Տոպուրիային։
«Եթե դու այստեղ ես, արի ինձ մոտ։ Կանցկացնենք հայացքների մենամարտ։ Կա միայն մեկ գլխավոր հավակնորդ՝ Արման Ծառուկյան։ Մի փնտրիր հեշտ մենամարտեր։ Բոլորը գիտեն, որ ես պետք է մենամարտեմ տիտղոսի համար։ Ես պատրաստ եմ։ Հունվարի վերջին։ Պարզապես ուղարկեք ինձ պայմանագիր և ես կլինեմ այնտեղ»,- հաղթանակից հետո օկտագոնում ասել է Արման Ծառուկյանը։
Հիշեցնենք, որ Դոհայում կայացած UFC Fight Night 265 մրցաշարի գլխավոր մենամարտում հայ մարտիկը հաղթանակի էր հասել ժամկետից շուտ՝ երկրորդ ռաունդում կիրառելով խեդղող հնարք։ Այդ հաղթանակի շնորհիվ 29-ամյա Ծառուկյանը դարձավ UFC-ի թեթև քաշային կարգի չեմպիոնության հավակնորդ։ Չեմպիոնական տիտղոսը պատկանում է Իսպանիան ներկայացնող վրացի մարտիկ Իլյա Տոպուրիային։ Արման Ծառուկյանը խառը մենամարտերում անցկացրել է 26 հանդիպում, տարել 23 հաղթանակ ու կրել 3 պարտություն։
