15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
UFC․ Արման Ծառուկյանը շանս չտվեց Դեն Հուկերին․ ՏԵՍԱՆՅՈՒԹ
23.11.2025 | 00:51
UFC-ի թեթև քաշային կարգի (մինչև 70 կգ) դասակարգման առաջատար Արման Ծառուկյանը վստահ հաղթանակ տարավ նորզելանդացի Դեն Հուկերի նկատմամբ։
Դոհայում կայացած UFC Fight Night 265 մրցաշարի գլխավոր մենամարտում հայ մարտիկը հաղթանակի հասավ ժամկետից շուտ՝ կիրառելով խեդղող հնարք։ Դեն Հուկերը հանձնվեց երկրորդ ռաունդում։
Կատարի մայրաքաղաքում մարզապալատից Արման Ծառուկյանին աջակցում էին բազմաթիվ հայ երկրպագուներ, նրանց թվում էին նաև Հայաստանի առաջատար ըմբիշները՝ Արթուր Ալեքսանյանը, Մալխաս Ամոյանը և Արսեն Հարությունյանը։ Մենամարտից առաջ Արմանն օկտագոն դուրս եկավ հայկական զուռնայի հնչյունների ուղեկցությամբ։
Այս հաղթանակի շնորհիվ 29-ամյա հայ մարտիկը դարձավ UFC-ի թեթև քաշային կարգի չեմպիոնության հավակնորդ։ Չեմպիոնական տիտղոսը պատկանում է Իսպանիան ներկայացնող վրացի մարտիկ Իլյա Տոպուրիային։
Արման Ծառուկյանը նախորդ մենամարտն անցկացրել էր 2024թ․ ապրիլին՝ հաղթելով բրազիլացի Չարլզ Օլիվեյրային։ Նա խառը մենամարտերում անցկացրեց 26-րդ հանդիպումը, տարավ 23-րդ հաղթանակը և ունի նաև 3 պարտություն։ 35-ամյա Դեն Հուկերը կրեց 13-րդ պարտությունը, ունի 24 հաղթանակ։
