30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Իսրայելը Գազայում հարվածել է ՀԱՄԱՍ-ի օբյեկտներին
Քաղաքականություն
22.11.2025 | 19:22
Իսրայելի պաշտպանության բանակը (ՑԱԽԱԼ) հարվածներ է հասցրել Գազայի հատվածում ՀԱՄԱՍ արմատական շարժման որոշ ռազմական օբյեկտների՝ ի պատասխան ծայրահեղականների կողմից հրադադարի մասին համաձայնագրի խախտման: ՏԱՍՍ-ի փոխանցմամբ՝ այս մասին հայտնում է բանակի մամուլի ծառայությունը։
«Զինված ահաբեկիչը ներթափանցել է «դեղին գծից» այն կողմ՝ մարդասիրական օգնության առաքման երթուղով, և կրակ է բացել Գազայի հատվածի հարավային մասում տեղակայված զինվորների ուղղությամբ։
«Զինվորականների շրջանում տուժածներ չկան, զինվորները ոչնչացրել են ահաբեկչին»,- ասվում է հայտարարության մեջ։
Զինվորականները նշել են, որ ի պատասխան այդ միջադեպի, որը «հրադադարի մասին համաձայնագրի կոպիտ խախտում է», ՑԱԽԱԼ-ը սկսել է հարվածներ հասցնել Գազայի հատվածում ՀԱՄԱՍ-ի ահաբեկչական օբյեկտներին: ՑԱԽԱԼ-ը մնում է իր դիրքերում հրադադարի մասին համաձայնագրին համապատասխան և կշարունակի գործել անմիջական սպառնալիքի վերացման համար, նշել են մամուլի ծառայությունում:
