09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
ՀՀ քաղհասարակության ներկայացուցիչները Բաքու են ժամանել
Քաղաքականություն
21.11.2025 | 11:44
Հայաստանի քաղաքացիական հասարակության ներկայացուցիչները ժամանել են Բաքու։ Ադրբեջանական լրատվամիջոցները նշում են, որ Flightradar-ի տվյալներով՝ նոյեմբերի 21-ին Airbus A320 (EK-FOC) ինքնաթիռը ժամը 09:14-ին մեկնել է Երևանից (EVN) դեպի Բաքու (GYD), անցնելով երթուղին 50 րոպեում և Ադրբեջանի մայրաքաղաքում վայրէջք կատարելով ժամը 10:07-ին։
Այս այցը կատարվում է ի պատասխան ադրբեջանական պատվիրակության՝ Հայաստան կատարած այցի, որը տեղի էր ունեցել 2025 թվականի հոկտեմբերի 21-22-ին։
Ավելի վաղ հաղորդվել էր, որ ՀՀ Կառավարությունը Երևան-Բաքու և Բաքու-Երևան չարտերային թռիչք կազմակերպելու համար ֆինանսական միջոցներ հատկացնելու մասին որոշում է ընդունել։ Գործադիրը շուրջ 17,5 միլիոն դրամ էր հատկացրել նոյեմբերի 21-ից 22-ը Բաքվում կայանալիք կլոր սեղան-քննարկմանը հայկական կողմից 5 փորձագետի մասնակցությունն ապահովելու նպատակով։
Թարգմանությունը՝ Էմմա Չոբանյանի
