19.08.2026 | 14:05
Լարված խոսակցություն Արման Եղոյանի և Ռուբեն Մխիթարյանի միջև
Հայ փորձագետները Բաքու կմեկնեն. կառավարությունը ֆինանսավորում է չարտերային թռիչքը
Քաղաքականություն
20.11.2025 | 17:50
Կառավարությունը Երևան-Բաքու և Բաքու-Երևան չարտերային թռիչք կազմակերպելու համար ֆինանսական միջոցներ հատկացնելու մասին որոշում է ընդունել այսօրվա նիստի ընթացքում։ Հարցը չզեկուցվողների ցանկում էր։
Գործադիրը շուրջ 17,5 միլիոն դրամ կհատկացնի նոյեմբերի 21-ից 22-ը Բաքվում կայանալիք կլոր սեղան-քննարկմանը հայկական կողմից 5 փորձագետի մասնակցությունն ապահովելու նպատակով։
Նախագծի հիմնավորման մեջ նշվում է, որ քննարկմանը մասնակցելու միջոցով կակտիվանան հայ և ադրբեջանական քաղհասարակությունների ներկայացուցիչների շփումները և կձևավորվեն երկու պետությունների հասարակությունների միջև վստահության կառուցման մեխանիզմներ:
Հիշեցնենք՝ հոկտեմբերի 21-ին ուղիղ չվերթով ադրբեջանցի փորձագետներ էին ժամանել Երևան՝ մասնակցելու քաղհասարակության ներկայացուցիչների միջև երկկողմ հանդիպմանը։ Ադրբեջանցի 2 փորձագետ մասնակցել է նաև նոյեմբերի 4-ին Երևանում ընթացող «Օրբելի-2025» միջազգային համաժողովին։
