Բաքվում անհանգստացած են․ NVIDIA-ն Հայաստանը վերածում է ԱԲ առաջատար կենտրոնի

Լուրեր

21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
Բոլորը

Ադրբեջանում մտավախություններ է առաջացրել ամերիկյան տեղեկատվական տեխնոլոգիաների հսկայի՝ NVIDIA ընկերության ու Հայաստանի միջև համագործակցությունը, որը նպատակ ունի ՀՀ-ն վերածել տարածաշրջանային ԱԲ կենտրոնի։

«Չնայած Ադրբեջանում արհեստական ​​բանականության ոլորտի որոշակի կենդանացմանը՝ զարգացումը մնում է սահմանափակ. կան ուշացումներ և պետական ​​​​մարմինների և ընկերությունների միջև համակարգման բացակայություն»,-հայտարարել է Ադրբեջանի ինտերնետ ֆորումի նախագահ Օսման Գյունդուզը։

Նա նշել է, որ այս ֆոնին Հայաստանն արագ առաջընթաց է գրանցում NVIDIA-ի հետ լայնածավալ գործընկերության շնորհիվ։

Գյունդուզն ընդգծել է, որ NVIDIA-ն Հայաստանում արհեստական ​​բանականության զարգացման համար ներդնում է 1,5 միլիարդ դոլար, այլ ոչ թե 500 միլիոն (խոսքը հայկական լրատվամիջոցների հրապարակումների մասին է, որ NVIDIA-ն 1,5 միլիարդ դոլար է ներդնելու ՀՀ-ում ԱԲ ոլորտում)։

Ըստ ծրագրի՝ 2026 թվականին երկրում կկառուցվի Blackwell GPU-ներով հագեցած և 100 մեգավատից ավելի հզորությամբ արհեստական ​​բանականության կենտրոն։ Ադրբեջանցի մասնագետի խոսքով՝ նախագծի նպատակն է Հայաստանը վերածել  արհեստական ​​բանականության առաջատար կենտրոնի, ամրապնդել նորարարական էկոհամակարգը, վերակենդանացնել տնտեսությունը և ստեղծել հիմք համաշխարհային շուկա մուտք գործելու համար։ Նա կարծում է, որ նախագծի հաջող իրականացումը զգալիորեն կամրապնդի Հայաստանի դիրքերը տարածաշրջանային մրցակցության մեջ:

Գյունդուզը նշել է, որ NVIDIA-ի հետ անմիջական համագործակցությունը կարող է ամրապնդել Հայաստանի տնտեսական հնարավորությունները և այն ավելի գրավիչ դարձնել ներդրողների, սթարթափների, գլոբալ ՏՏ ընկերությունների և առաջատար համալսարանների համար: Գյունդուզը նաև նշել է, թե Հայաստանի տնտեսական վիճակի կարճաժամկետ բարելավումը կարող է հանգեցնել, իր բնորոշմամբ, «ռևանշիստական ​​տրամադրությունների ուժեղացման, որը կարող է ռիսկեր ստեղծել ապագա սերունդների համար»։

Ադրբեջանցի փորձագետը հավելել է, թե արհեստական ​​բանականության նկատմամբ հետաքրքրությունն Ադրբեջանում նույնպես աճում է. ընդունվել է ռազմավարություն, իրականացվում են ենթակառուցվածքային նախագծեր, ռեսուրսներ են հատկացվում։ Սակայն նա կարծում է, որ սա բավարար չէ. ոլորտում ուշացումներ են, սահմանափակ ռեսուրսներ և մասնատվածություն։ Նա նշել է, որ շատ պետական ​​​​մարմիններ և ընկերություններ գործում են մեկուսացված, և կառավարության աջակցությունը բիզնեսին դեռևս բավարար չէ։ Գյունդուզը հույս է հայտնել, որ պատասխանատու մարմինները, անվտանգության մարմիններն ու որոշում կայացնողներն արագ կգնահատեն տարածաշրջանում տեղի ունեցող զարգացումները և կտան համարժեք արձագանք մարտահրավերներին։

Ավելի վաղ հայտնի էր դարձել, որ ԱՄՆ կառավարությունը հավանություն է տվել գերհամակարգչի կառուցման համար NVIDIA-ի չիպերը ՀՀ արտահանելուն։

ՀՀ բարձր տեխնոլոգիական արդյունաբերության նախարար Մխիթար Հայրապետյանը գրառմամբ տեղեկացրել է, որ Firebird ընկերությունը պաշտոնական հաղորդագրությամբ հայտնել է, որ ստացել է ԱՄՆ արտահանման լիցենզիա և հայտարարել Հայաստանում իր առաջին 500 միլիոն դոլարի ներդրման մասին։

Թարգմանությունը՝ Էմմա Չոբանյանի