12.01.2026 | 09:49
Թրամփը՝ «Վենեսուելայի նախագահի պաշտոնակատար»․ ԱՄՆ նախագահը truthsocial-ում լուսանկար է հրապարակել
Ռուբիոն հայտարարել է,որ Ուկրաինան և ՌԴ-ն «պետք է համաձայնվեն դժվար, բայց անհրաժեշտ զիջումների»
Քաղաքականություն
20.11.2025 | 15:11
ԱՄՆ պետքարտուղար Մարկո Ռուբիոն հայտարարել է, որ Ուկրաինան և Ռուսաստանը «պետք է համաձայնվեն դժվար, բայց անհրաժեշտ զիջումների»՝ խաղաղության հասնելու համար։
«Ուկրաինայի հակամարտության նման բարդ և արյունալի պատերազմին վերջ դնելու համար անհրաժեշտ է լուրջ և իրատեսական գաղափարների լայն փոխանակում։ Երկարատև խաղաղության հասնելու համար երկու կողմերն էլ պետք է համաձայնվեն դժվար, բայց անհրաժեշտ զիջումների։ Հենց դրա համար մենք մշակում ենք և կշարունակենք մշակել այս պատերազմը վերջ դնելու հնարավոր գաղափարների ցանկ՝ հիմնվելով հակամարտության երկու կողմերի առաջարկների վրա»,- գրել է Ռուբիոն X սոցիալական ցանցում։
Reuters-ը և մի շարք այլ արևմտյան լրատվամիջոցներ հաղորդել էին Վաշինգտոնի պահանջների մասին, որոնք ուղղված են Ուկրաինային՝ զիջելու երկրի արևելքում գտնվող տարածքները, կրճատելու իր զինված ուժերի թվաքանակը և հրաժարվելու որոշակի տեսակի զենքերից: Այս դրույթները ներառված են Թրամփի վարչակազմի՝ Ուկրաինայի դեմ Ռուսաստանի պատերազմը դադարեցնելու նոր ծրագրում։
Թարգմանությունը՝ Էմմա Չոբանյանի
