02.10.2026 | 14:35
«ՍՄՈՔ ՀԱՈՒՍ»-ը ծխախոտը բաց եղանակով է վաճառել․ ընկերությունը կենթարկվի վարչական պատասխանատվության
Տերնոպոլում ռուսական հարվածի հետևանքով զոհերի թիվը հասել է 25-ի. նրանց թվում երեք երեխա կա
Քաղաքականություն
19.11.2025 | 21:03
Ուկրաինայի արտակարգ իրավիճակների պետական ծառայության տվյալներով՝ Տերնոպոլի երկու բարձրահարկ շենքերի վրա ռուսական հրթիռային հարվածի հետևանքով զոհերի թիվը հասել է 25-ի։ Զոհերի թվում կա երեք երեխա, գրում է BBC ռուսական ծառայությունը։
Վիրավորվել է ևս 73 մարդ, այդ թվում՝ 15 երեխա։ Արտակարգ փրկարարական աշխատանքները շարունակվում են։
Տերնոպոլի քաղաքապետը հայտարարել է, որ փրկարարները փլատակներից դուրս են բերել ողջ մնացած մեկ անձի։
«Փլատակներից դուրս են բերել տուժածի։ Նա ողջ է»,- գրել է Տերնոպոլի քաղաքապետ Սերգեյ Նադալի տելեգրամի իր ալիքում։
Ուկրաինայի ռազմաօդային ուժերը հայտարարել են, որ ռուսական Ту-95МС և Ту-160МС ռազմավարական ռմբակոծիչների կողմից արձակված X-101 թևավոր հրթիռներ են հարվածել շենքերին։
Թարգմանությունը՝ Էմմա Չոբանյանի
