31.10.2026 | 10:25
Երևան մոլում բացվել է HayPass-ի գրասենյակը. Փաշինյանը ծանոթացել է անձնագիր ստանալու նոր համակարգին․ ՏԵՍԱՆՅՈՒԹ
Խարկովում ռուսական հարվածի հետևանքով ավելի քան 40 մարդ է տուժել․ Տերնոպոլում զոհեր կան․ ՏԵՍԱՆՅՈՒԹ
Քաղաքականություն
19.11.2025 | 12:51
Ռուսական զորքերը նոյեմբերի լույս 19-ի գիշերը Խարկովի վրա 19 անօդաչու թռչող սարք են արձակել։ Այս մասին հայտնել է Խարկովի մարզային ռազմական վարչակազմի ղեկավար Օլեգ Սինեգուբովը։ Նրա խոսքով՝ հարվածները հասցվել են քաղաքի Սլոբիդսկի, Օսնովյանսկի և Նեմիշլյանսկի շրջաններին։
Ըստ Սինեգուբովի՝ վիրավորվել է 32 մարդ, այդ թվում՝ 9 և 13 տարեկան երեխաներ։ Վիրավորներից վեցը հոսպիտալացվել են։
Հետագայում նա թարմացրել է տվյալները՝ նշելով, որ Խարկովում վիրավորվել է 46 մարդ, այդ թվում՝ երկու երեխա՝ 9 և 13 տարեկան աղջիկներ։ Քաղաքում վնասվել է 16 բնակելի շենք, 31 մեքենա, շտապ բժշկական օգնության ենթակայան, սուպերմարկետ, երկու տրոլեյբուս, ոչ բնակելի շենք, վարչական շենք և դպրոց։
Հարվածների թիրախում է հայտնվել նաև Տերնոպոլը։ Ռուսական ուժերը հրթիռներով և անօդաչու թռչող սարքերով հարվածել են Տերնոպոլին՝ վնասելով բնակելի շենքեր, կան տուժածներ, հայտնել է քաղաքապետ Սերգեյ Նադալը։
Ուկրաինայի նախագահ Վլադիմիր Զելենսկին սոցցանցերում հայտնել է, որ Տերմոպոլում հարված է հասցվել ինը հարկանի բնակելի շենքերին, հրդեհներ են բռնկվել։ Նրա տեղեկացմամբ՝ ինը մարդ զոհվել է, տասնյակները՝ վիրավորվել։
«Շենքերին զգալի վնաս է հասցվել, փլատակների տակ կարող են մարդիկ լինել»,- ասել է Զելենսկին։
Ուկրաինայի նախագահը նաև հաղորդել է երկրի այլ շրջաններին հարվածների մասին։ Երեք մարդ վիրավորվել է Իվանո-Ֆրանկովսկի մարզում, Լվովի մարզում վնասվել են կարևորագույն ենթակառուցվածքներ, հարվածներ են հասցվել Կիևի, Նիկոլաևի, Չերկասիի, Չեռնիգովի և Դնեպրոպետրովսկի շրջաններին։
Թարգմանությունը՝ Էմմա Չոբանյանի
