06.07.2026 | 23:00
Սևանա լճի մակարդակը մեկ շաբաթում բարձրացել է 2 սմ-ով
Վեդիի ավագանին կողմ քվեարկեց Կարմիր սարում հանքի բացման նախագծին
Քաղաքականություն
19.11.2025 | 17:11
Արարատի մարզի Վեդի համայնքի ավագանին՝ համայնքապետ Գարիկ Սարգսյանի նախագահությամբ միաձայն կողմ քվեարկեց Կարմիր սարում հանքարդյունահանման ՇՄԱԳ թույլտվությանը։ Արարատի մարզի Վեդի համայնքի ավագանին այսօր քննարկում էր «ՕՐԴ ԳՐՈՒՊ» սահմանափակ պատասխանատվության ընկերության կողմից ներկայացված Արարատի մարզի Վեդի համայնքի Գինեվետ բնակավայրի վարչական տարածքում գտնվող Կարմիր սարի կրաքարային մերգելների /կավակրաքարերի/ հանքավայրի օգտակար հանածոյի հանքարդյունահանման ընդերքօգտագործման իրավունք ստանալու շրջակա միջավայրի վրա ազդեցության հարցը։
Հիշեցնենք, որ Գինեվետ գյուղում հոկտեմբերի 13-ին տեղի ունեցան նախնական հանրային լսումներ «Օրդ Գրուպ» ՍՊԸ-ի կողմից ներկայացված Կարմիր սարի կրաքարային մերգելների օգտակար հանածոյի արդյունահանման աշխատանքների վերաբերյալ: Ծրագիրը նախատեսում է նաև ցեմենտի գործարանի կառուցում։ Ըստ նախագծի հեղինակների՝ նախատեսվում է 25 մլն դրամի ներդրում, որն անհրաժեշտության դեպքում կարող է հասցվել մինչև 35 մլն-ի։
Բնապահպան ակտիվիստները և գյուղի բնակիչներն ահազանգում են ռիսկերի և բաց հանքարդյունաբերության հետևանքով գյուղատնտեսությանը սպառնացող վտանգների մասին։ Նրանք զգուշացնում են նաև, որ հանքավայրի տարածքում Կարմիր գրքում գրանցված բույսեր կան։
Անի Թամրազյան
