09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Կրեմլը՝ Ուկրաինայի հարցով ԱՄՆ-ի և ՌԴ-ի կողմից գաղտնի ծրագրի մշակման լուրերի մասին
Քաղաքականություն
19.11.2025 | 16:15
ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանի և ԱՄՆ-ի միջև Ուկրաինայի հակամարտության կարգավորման շուրջ բանակցությունների վերաբերյալ որևէ նորություն չկա, փոխանցում է Ինտերֆաքսը։
Ճեպազրույցի ժամանակ նրան խնդրել են մեկնաբանել Axios-ի հրապարակումը, որ Միացյալ Նահանգները խորհրդակցում է Ռուսաստանի հետ՝ Ուկրաինայի կարգավորման ծրագիր մշակելու համար:
«Ոչ, դեռ չկան նորարարություններ, որոնք կարելի կլիներ ձեզ հաղորդել։ Անքորիջում քննարկվածից բացի՝ նորարարություններ դեռևս չկան»,- ասել է Պեսկովը։
Լրագրողները հիշեցրել են, որ ԱՄՆ բանակի նախարար Դանիել Դրիսկոլի գլխավորած ամերիկյան պատվիրակությունը ժամանել է Ուկրաինա, հարցնելով՝ արդյո՞ք հետագայում նախատեսվում է հանդիպում ԱՄՆ նախարարի և Ռուսաստանի ներկայացուցիչների միջև։
«Ոչ, որքանով ես գիտեմ՝ այդ առումով ծրագրեր չկան»,- ասել է Պեսկովը։
Ավելի վաղ Axios-ը հաղորդել էր, որ ԱՄՆ նախագահ Դոնալդ Թրամփի վարչակազմը գաղտնի բանակցություններ է վարում Ռուսաստանի իշխանությունների հետ Ուկրաինայում պատերազմը դադարեցնելու նոր ծրագրի շուրջ։
Թարգմանությունը՝ Էմմա Չոբանյանի
