ՈՒԵՖԱ-ի պաշտոնական ալիքը ներկայացրել է ԱԱ-2026-ի եվրոպական գոտու ընտրական մրցաշարի վերջին տուրի լավագույն գոլերը։
Լավագույնների թվում ընդգրկվել է նաև Պորտուգալիայի հավաքականի կիսապաշտպան Ժոաու Նևեշի՝ Հայաստանի հավաքականի դարպասը տուգանային հարվածով խփած գեղեցիկ գոլը։ Այդ խաղում ֆրանսիական ՊՍԺ-ի ֆուտբոլիստը դարձել էր հեթ-տրիկի հեղինակ՝ օգնելով պորտուգալացիներին հաղթել 9։1 հաշվով։
Հիշեցնենք, որ ընտրական փուլի 6 խաղում Հայաստանի հավաքականը կրել էր 5 պարտություն, տարել 1 հաղթանակ և 3 միավորով եզրափակել մրցաշարային աղյուսակը։ F խմբի հաղթող Պորտուգալիայի հավաքականը նվաճել էր 2026թ․ աշխարհի առաջնության եզրափակիչ փուլի ուղեգիր։
