07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Հայաստանի Մ21 հավաքականը հերթական պարտությունը կրեց․ ՏԵՍԱՆՅՈՒԹ
18.11.2025 | 16:58
Ֆուտբոլի Հայաստանի երիտասարդական հավաքականը շարունակում է պարտությունների շարքը 2027թ․ Եվրոպայի մինչև 21 տարեկանների առաջնության ընտրական փուլում։
6-րդ տուրում Արմեն Գյուլբուդաղյանցի գլխավորած թիմը Երևանում ընդունեց Շվեդիայի Մ21 հավաքականին ու պարտվեց նազագույն հաշվով։ Հյուրերի հաղթական գոլը խաղի 23-րդ րոպեին տպավորիչ հարվածով խփեց բելգիական «Գենտի» հարձակվող Մամադու Սոնկոն։
Օրեր առաջ Հայաստանի երիտասարդական հավաքականը տնային պարտություն էր կրել նաև Չեռնոգորիայի Մ21 թիմից՝ 1։2։
Ընտրական E խմբում Հայաստանի թիմը 6 խաղում կրել է նույնքան պարտություն և առանց միավորի եզրափակում է մրցաշարային աղյուսակը։ Հաջորդ հանդիպումը նախատեսված է 2026թ․ մարտի 27-ին՝ խմբի առաջատար Լեհաստանի դեմ։
Հայաստանի երիտասարդական հավաքականը նախորդ անգամ հաղթել է 2021 թվականի սեպտեմբերին՝ Ֆարերյան կղզիների դեմ խաղում (2:0):
