09.06.2026 | 20:55
Հայաստանի հավաքականը բաց թողեց հաղթանակը Մոլդովայի դեմ խաղում
Զելենսկին ու Թրամփի բանագնաց Ուիթկոֆը Թուրքիայում բանակցություններ կանցկացնեն
Քաղաքականություն
18.11.2025 | 14:42
Ուկրաինայի նախագահ Վլադիմիր Զելենսկին և ԱՄՆ նախագահ Դոնալդ Թրամփի հատուկ ներկայացուցիչ Սթիվ Ուիթկոֆը բանակցություններ կանցկացնեն Թուրքիայում։ Այս մասին հաղորդում է ՌԲԿ Ուկրաինան՝ վկայակոչելով Reuters-ի լրագրող Ահմեդ Ռաշիդին։
«ԱՄՆ հատուկ ներկայացուցիչ Սթիվ Ուիթկոֆը չորեքշաբթի կայցելի Թուրքիա և կմիանա Ուկրաինայի նախագահ Վլադիմիր Զելենսկիի հետ նախատեսված բանակցություններին»,- հաղորդել է լրագրողը X- իր միկրոբլոգում՝ վկայակոչելով թուրքական աղբյուրի։
Զելենսկին ավելի վաղ հայտարարել էր, որ նոյեմբերի 19-ին մեկնելու է Թուրքիա՝ բանակցություններն «ինտենսիվացնելու» և գործընկերներին «մշակված լուծումներ» առաջարկելու, ինչպես նաև գերիների փոխանակումը վերսկսելու համար։
Անցյալ շաբաթ Ուկրաինայի Ազգային անվտանգության և պաշտպանության խորհրդի քարտուղար Ռուստեմ Ումերովը Թուրքիա կատարած այցից կարճ ժամանակ անց հայտարարել էր, որ կողմերը վերսկսել են գերիների նոր փոխանակման շուրջ բանակցությունները։ Նա հայտարարել էր, որ Ռուսաստանը նախատեսում է ազատ արձակել 1200 ուկրաինացիների։ Կրեմլը հաստատել էր, որ Մոսկվան և Կիևը փորձագիտական քննարկումներ են վարում փոխանակման վերաբերյալ։
Թարգմանությունը՝ Էմմա Չոբանյանի
