06.04.2026 | 16:10
Հրապարակվել է ֆուտբոլի կանանց Հայաստանի հավաքականի կազմը
Որևէ հնարավորություն չկա․ Կոբախիձեն՝ Սաակաշվիիլին Ուկրաինային փոխանցելու մասին
Քաղաքականություն
18.11.2025 | 11:50
Վրաստանի նախկին նախագահ Միխեիլ Սաակաշվիլիի արտահանձնման հնարավորություն չկա։ Այս մասին հայտարարել է Իրակլի Կոբախիձեն՝ մեկնաբանելով Ուկրաինայի նախագահի խորհրդական Միխայիլ Պոդոլյակի հայտարարությունները Սաակաշվիլիին Կիևին հանձնելու կամ նրան երրորդ երկիր տեղափոխելու վերաբերյալ։
«Երբ նման մարդիկ մեզ պատմում են Սաակաշվիլիի տեղափոխման մասին, իհարկե, մենք չենք կարող լուրջ ընդունել նման հաղորդագրությունները»,- հայտարարել է Վրաստանի վարչապետը։
Հիշեցնենք, որ նոյեմբերի 16-ին Ուկրաինայի նախագահի խորհրդական Միխայիլ Պոդոլյակը վրացական «Պիրվելի» հեռուստաալիքին տված հարցազրույցում հայտարարել էր, որ Միխեիլ Սահակաշվիլիի տեղափոխման հարցն ակտիվորեն մշակվում է։
«Ինչ վերաբերում է պարոն Սահակաշվիլիին, դա մեր օրակարգի մաս է կազմում։ Ուկրաինան ակտիվորեն աշխատում է այս հարցի շուրջ»,- ասել էր Պոդոլյակը։
Հավելենք, որ ավելի վաղ Վրաստանի երրորդ նախագահ, Ուկրաինայի Օդեսայի մարզային վարչակազմի նախկին ղեկավար Միխեիլ Սաակաշվիլին, որը ներկայում գտնվում է վրացական բանտում, դիմել էր Ուկրաինայի նախագահ Վլադիմիր Զելենսկիին՝ իրեն ռազմագերիների ցուցակում ընդգրկել ու փոխանակման հնարավորության դեպքում՝ երկիր վերադարձնել։
Թարգմանությունը՝ Էմմա Չոբանյանի
