19.08.2026 | 16:31
Վահագն Ալեքսանյանի ճեպազրույցը՝ ՈՒՂԻՂ
8 միավոր SAMP-T ՀՕՊ համակարգ, 100 Rafale. Զելենսկին բացահայտել է Ֆրանսիայի հետ «պատմական համաձայնագրի» մանրամասները
Քաղաքականություն
17.11.2025 | 19:58
Ուկրաինայի և Ֆրանսիայի միջև այսօր ստորագրված համաձայնագիրը նախատեսում է ապագայում Կիևին 8 միավոր SAMP-T հակաօդային պաշտպանության համակարգերի մատակարարում։ Այս մասին հայտարարել է Ուկրաինայի նախագահ Վլադիմիր Զելենսկին Ֆրանսիայի իր գործընկեր Էմանուել Մակրոնի հետ մամուլի ասուլիսում։
«Ուկրաինան կկարողանա ստանալ 100 Rafale F-4 ինքնաթիռ, շատ հզոր ֆրանսիական ռադարներ և 8 SAMP-T հակաօդային պաշտպանության համակարգ, որոնցից յուրաքանչյուրն ունի վեց արձակիչ։ Սրանք ոմանց համար տեխնիկական մանրամասներ են, բայց մեզ համար կարևոր են։ Յուրաքանչյուր արձակիչ նշանակում է կյանքի պաշտպանություն»,- ասել է Զելենսկին։
Նա հավելել է, որ Ուկրաինան աշխատում է SAMP-T հակաօդային պաշտպանության համակարգերի նոր սերնդի վրա, որը թույլ կտա ոչնչացնել թշնամու բալիստիկ հրթիռները։ Նա դեռևս չի բացահայտել մատակարարման ամսաթվերը։
Զելենսկին Փարիզ այցից առաջ հայտարարել էր, որ Ուկրաինան և Ֆրանսիան կստորագրեն «պատմական համաձայնագիր»՝ ռազմաօդային ուժերը հզորացնելու վերաբերյալ։ Ֆրանսիայի հետ համաձայնագիրը նախատեսում է մինչև 100 Rafale կործանիչների գնում Ուկրաինայի համար։
Ավելի վաղ հաղորդվել էր, որ Փարիզում ստորագրվել է Ուկրաինայի կողմից պաշտպանական սարքավորումների ձեռքբերման գործում համագործակցության մտադրության մասին հռչակագիր։
Թարգմանությունը՝ Էմմա Չոբանյանի
