02.10.2026 | 17:42
Փաշինյանի ելույթը՝ Եվրասիական միջկառավարական խորհրդի նիստին
Անգլիայի հավաքականի տպավորիչ ցուցանիշը
17.11.2025 | 18:49
Անգլիայի հավաքականը, 2026թ․ աշխարհի առաջնության եվրոպական գոտու ընտրական մրցաշարն ավարտել է 100 տոկոսանոց ցուցանիշով՝ 8 խաղում 8 հաղթանակ։ Թոմաս Տուխելի գլխավորած թիմը նաև անառիկ է պահել դարպասն այդ խաղերում։
Անգլիացիները երկուական անգամ հաղթել են Ալբանիային (2:0, 2:0), Լատվիային (3:0, 5:0), Անդորրային (1:0, 2:0) և Սերբիային (5:0, 2:0)՝ նվաճելով ԱԱ-2026-ի ուղեգիր։
Աշխարհի առաջնության ընտրական մրցաշարը միայն հաղթանակներով ու առանց գոլ բաց թողնելու ավարտել էր միայն Հարավսլավիայի հավաքականը։ ԱԱ-1954-ի ընտրական փուլում Հարավսլավիայի թիմը երկուական հաղթանակ էր տարել Հունաստանի (1:0, 1:0) և Իսրայելի (1:0, 1:0) նկատմամբ, հաղորդում է Opta-ն։
Հիշեցնենք, որ 48 մասնակցով առաջին Մունդիալը կայանալու է հունիսի 11-ից հուլիսի 19-ին ԱՄՆ-ում, Կանադայում ու Մեքսիկայում։
