04.08.2026 | 13:23
Էլեկտրոմոբիլների՝ մաքսատուրքի արտոնության քվոտայի մնացորդը՝ օգտոստոսի 3-ը ներառյալ
Կոբախիձեն Սրբուհի Գալյանի հետ ռազմավարական գործընկերության հարցեր է քննարկել
Քաղաքականություն
17.11.2025 | 17:42
Վրաստանի վարչապետ Իրակլի Կոբախիձեն հանդիպել է ՀՀ արդարադատության նախարար Սրբուհի Գալյանի հետ, որն այցով Թբիլիսիում է վրաց-հայկական իրավական ֆորումի շրջանակում։
Վրաստանի կառավարության մամուլի ծառայության հաղորդմամբ՝ հանդիպմանը քննարկվել են Հայաստանի և Վրաստանի միջև ռազմավարական գործընկերության և բարիդրացիական հարաբերությունների հարցեր։ Դիտարկվել է Վրաստանի և Հայաստանի միջև երկկողմ ու միջազգային ձևաչափերով համագործակցությունը։ Հատուկ ուշադրություն է դարձվել արդարադատության ոլորտում արդյունավետ գործընկերությանը և այս ոլորտում երկրների միջև փորձի փոխանակման կարևորությանը։
«Ընդգծվել է Հարավային Կովկասում կայուն խաղաղության հաստատման, ինչպես նաև տարածաշրջանի երկարաժամկետ և կայուն զարգացման կարևորությունը»,- ասվում է հաղորդագրության մեջ։
Հանդիպմանը մասնակցել են Վրաստանի արդարադատության նախարար Պաատա Սալիան, կառավարության աշխատակազմի ղեկավար Լևան Ժորժոլիանին, Հայաստանում Վրաստանի դեսպան Աշոտ Սմբատյանը և Հայաստանում Վրաստանի դեսպան Գիորգի Շարվաշիձեն։
Թարգմանությունը՝ Էմմա Չոբանյանի
