14.09.2026 | 14:15
Պատմական ռեկորդ․ Հովհաննես Գաբրիելյանը լողալով հատել է Սևանա լիճն իր ողջ երկայնքով
Փաշինյանը սխալվում է․ առանց հանրաքվեի ՀՀ տարածքի փոփոխություն չի կարող լինել
Քաղաքականություն
13.11.2025 | 13:21
ԱԺ-ում անկլավների փոխանակման թեմայով լրագրողների հարցին պատասխանելիս Նիկոլ Փաշինյանը երեկ ասել է, որ Հայաստանի տարածքի փոփոխությունը կարող է լինել հանրաքվեի միջոցով, ապա նաև ավելացրել․
«Նույնիսկ եթե խոսքը ուղիղ հանրաքվեի մասին չլինի, առանց ՀՀ քաղաքացիների համաձայնության դա չի կարող պարզապես տեղի ունենալ»։
Փաշինյանի այս վերջին պնդումը հակասում է Սահմանադրությանը։ Դրա 214-րդ հոդվածում ուղիղ նշվում է, որ տարածքի փոփոխությունը պետք է լինի հանրաքվեի միջոցով։
«Հայաստանի Հանրապետության տարածքի փոփոխությանը վերաբերող հարցերը լուծվում են հանրաքվեների միջոցով», – նշվում է հոդվածում։
Փաշինյանի նշած «ՀՀ քաղաքացիների համաձայնությունը» այս դեպքում չի կարող տրվել որևէ այլ կերպով, եթե չարվեն Սահմանադրության փոփոխություններ։
Սահմանադրության այս հոդվածի փոփոխության համար հանրաքվե անհրաժեշտ չէ, բավարար է Ազգային ժողովի պատգամավորների երկու երրորդի կողմ քվեարկությունը։ Սակայն խորհրդարանի ընթացիկ կազմում ՔՊ-ն նման մեծամասնություն չունի, և Սահմանադրության այս հոդվածի փոփոխությունը քաղաքական իմաստով առայժմ հնարավոր չէ։
Գարիկ Հարությունյան
