23.05.2026 | 20:32
Մենք ամենափորձառու ուժն ենք, իշխանությունը մեր դեմ դնելու բան չունի. Էդմոն Մարուքյան. ՏԵՍԱՆՅՈՒԹ
Ռոսսելխոզնադզորը սահմանափակել է Հայաստանի ձեռնարկություններից մեկի մատակարարումները. իշխանում գունանյութ են հայտնաբերել
30.10.2018 | 20:30
Ռոսսելխոզնադզորը ժամանակավորապես սահմանափակել է Հայաստանի, Գերմանիայի և Կորեայի երեք ձեռնարկություններից մատակարարումները, ինչպես նաև ուժեղացրել Ղազախստանից մեկ ձեռնարկության լաբորատոր վերահսկողությունը: Այս մասին տեղեկանում ենք գերատեսչության կայքում հրապարակված հաղորդագրությունից:
«Անասնաբուժական և ֆիտոսանիտարական վերահսկողության դաշնային ծառայությունն արտաքին տնտեսական գործունեության մասնակիցներին և շահագրգիռ բոլոր անձանց տեղեկացնում է անասնաբուծական արտադրանքում Ռուսաստանի և ԵՏՄ-ի պահանջների լուրջ խախտումների մասին, որոնք ներկրվել են Ղազախստանի, Հայաստանի, Գերմանիայի և Կորեայի ձեռնարկություններից: Այդ կապակցությամբ Ռոսսելխոզնադզորը որոշում է կայացրել այդ ձեռնարկություններից Ռուսաստան մատակարարումները ժամանակավորապես սահմանափակելու մասին»,- ասված է գերատեսչության հաղորդագրությունում:
Խոսքը գերմանական Bosch Tiernahrung GmbH & Co. և կորեական EreBon Co. ընկերությունների մասին է, որոնք անասնակեր են մատակարարում: Կերերում ՌԴ-ում չգրանցված ԳՄՕ բաղադրիչներ են հայտնաբերվել:
Ինչ վերաբերում է Հայաստանին. սահմանափակումներն առնչվում են «Ֆուդ Էքս» ձեռնարկությանը՝ կապված իշխանում «կանաչ» գունանյութի հայտնաբերման հետ:
Ղազախստանի «Իժևսկի» ձեռնարկության մատակարարած հավի մսի մեջ էլ սալմոնելլա է հայտնաբերվել, ինչի հետևանքով որոշվել է ուժեղացնել ընկերության կողմից մատարակարվող արտադրանքի լաբորատոր վերահսկողությունը:
