Մատչելի՝ ուղևորի, արդար՝ վարորդի համար․ Apex Cab օնլայն տաքսի ծառայությունն արդեն շուկայում է. ՏԵՍԱՆՅՈՒԹ

Վճարովի բովանդակություն

Մատչելի՝ ուղևորի, արդար՝ վարորդի համար․ Apex Cab օնլայն տաքսի ծառայությունը, որը հայտարարեց իր գործունեության մեկնարկի մասին, խոստանում է հայկական ստացված բիզնեսի լավագույն օրինակ դառնալ շուկայում։ Հիմնադիրների խոսքով՝ այն ստեղծվել է, որպեսզի տեղաշարժը դառնա հարմար բոլոր ուղևորների համար։ Apex Cab-ը պատրաստ է մրցել շուկայում արդեն հայտնի և փորձառու ընկերությունների հետ․ դյուրին չի լինելու, բայց մարտահրավերներն արդեն ընդունված են։

Apex նշանակում է բարձրագույն կետ, նպատակ և արագություն, շարժում և ուղղություն։ Ընկերության տարբերանշանի գույներն էլ պատահական չեն ընտրվել․ կապույտը, կանաչը և սևը հուսալիության, պրոֆեսիոնալիզմի և նորարարության գույներն են։

Apex Cab-ը շուկա է մտնում նորարարական տեխնոլոգիաներով, հավելվածը, որը կարելի է ներբեռնել և մի քանի վայրկյանում պատվիրել տաքսի՝ անհամեմատ ցածր գնով, ստեղծվել է ծրագրավորողների՝ 12 հոգանոց թիմի կողմից, 7 ամսում։

Հիմնադիրները շեշտում են՝ Apex Cab-ը սովորական տաքսի ծառայություն չէ, այլ վստահելի և մարդակենտրոն տեխնոլոգիա։ Տաքսի ծառայությունը, հավաքագրելով տարբեր աղբյուրների լավագույն տվյալները՝ ստեղծել է մեկ միասնական բարձր ճշգրտության քարտեզ։

Apex Cab-ի հավելվածը ստեղծված է այնպես, որ հազարավոր օգտատերեր միաժամանակ կարողանան կիրառել ծրագիրը՝ առանց խափանումների։ Հիմնադիրները շեշտում են՝ ամեն ինչ արված է, որպեսզի տեխնիկական խնդիրներ չծագեն, նաև հավաստիացնում են՝ վարորդների և օգտատերերի բոլոր տվյալները պաշտպանված են․ դրանք փոխանցվում են ծածկագրմամբ, պահպանվում են տվյալների բազայում, հասանելի են սահմանափակ թվով մարդկանց, քարտային տվյալները չեն պահպանվում, դրանք մշակվում են Ազգային վճարային համակարգի կողմից։

Մանրամասները՝ տեսանյութում։

Աննա Բաբաջանյան