Բաքվում անցկացված զինվորական շքերթին Ադրբեջանը մի շարք նոր զինատեսակներ է ցուցադրել․ որ երկրներից են դրանք ձեռք բերվել

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Բաքվում նոյեմբերի 8-ին կայացած զինվորական  շքերթի ժամանակ Ադրբեջանը ցուցադրել է իր զինանոցում հայտնված որոշ նոր զենքեր։ Ադրբեջանական աղբյուրները գրում են, որ առաջին զենքը չինական արտադրության HQ-9 BE հեռահար հրթիռային համակարգն է։ Այս զենքի արտահանման տարբերակը նախատեսված է ինքնաթիռներ, թևավոր հրթիռներ և կարճ հեռահարության բալիստիկ հրթիռներ ոչնչացնելու համար մոտավորապես 200 կիլոմետր հեռավորության վրա։ Թռիչքի առավելագույն բարձրությունը, ըստ հաղորդումների, մոտավորապես 27 կիլոմետր է։

Սա այս զենքի առաջին վաճառքն է նախկին խորհրդային հանրապետությանը, և Ադրբեջանը աշխարհում չորրորդ երկիրն է, որը ձեռք է բերում այն։ Միջազգային հրապարակումների համաձայն՝ այս զենքն օգտագործվել է մայիսին տեղի ունեցած հնդկա-պակիստանյան հակամարտության ժամանակ։

Ավելի վաղ՝ 2024 թվականին, Ադրբեջանը ձեռք էր բերել Չինաստանի և Պակիստանի կողմից համատեղ արտադրված JF-17 Block կործանիչներ։ Տեղի օդաչուներն այն ցուցադրել են ռազմական շքերթի ժամանակ։

Պակիստանյան աղբյուրների համաձայն՝ ինքնաթիռի հետ միասին մատակարարվել է նաև զինամթերք, իսկ օդաչուներն ուսուցում են անցել։

Ադրբեջանի զինանոցում մեկ այլ նորույթ են իսրայելական արտադրության «Sea Breaker» հրթիռները։ Դրանք կարող են օգտագործվել ինչպես ծովում, այնպես էլ ցամաքում, համարվում են 5-րդ սերնդի։ Ըստ տեղեկությունների՝ դրանք կարող են մինչև 300 կմ հեռավորությունից հարվածել թիրախներին, և մեկ հրթիռը կարող է ոչնչացնել փոքր ռազմանավ։

Ցուցադրվել է ադրբեջանական բանակի զինանոցի ևս մեկ նոր համալրում՝ մինչև 300 կիլոմետր գործողության շառավղով Predator Hawk օպերատիվ-մարտավարական հրթիռային համակարգը։ Ադրբեջանն այս հրթիռները նույնպես գնել է իր վաղեմի ռազմական գործընկեր Իսրայելից։ Հրթիռներն արտադրվում են իսրայելական պաշտպանական Elbit Systems կորպորացիայի կողմից։

Ցուցադրվել է նաև Sky Striker Block-4 անօդաչու զինամթերքի համակարգը Puls շասսիի վրա։ Այն դարձյալ մշակվել է Elbit Systems-ի կողմից։

Մյուս նորույթը սերբական արտադրության 155 մմ B-52 Nora ինքնագնաց հրետանային միավորն է։ Սերբիայի պաշտպանության նախարարության տվյալներով՝ սերբական և ադրբեջանական զինվորականները հոկտեմբերի վերջին համատեղ վարժանքներ են անցկացրել այս զենքով։ Զենքի հիմնական առավելությունը դրա շարժունակությունն է։

Ցուցադրվել են նաև 155 մմ-անոց Vita ինքնագնաց հրետանային միավորները։ Այն մշակվել է մշակվել է Սլովակիայում, 155 մմ ինքնագնաց հաուբից է, որը չեխ-սլովակյան «Դանա» միավորի արդիականացված տարբերակն է:

Նոր C-27J տրանսպորտային ինքնաթիռները նույնպես ներկայացվել են ռազմական շքերթի ժամանակ։ Ադրբեջանը իտալական արտադրության առաջին C-27J NG Spartan ինքնաթիռը ստացել է 2024 թվականի հունիսին։

Ադրբեջանը, որպես կանոն, չի բացահայտում իր կողմից գնվող զենքի արժեքը։ Նոր զենքերից պարզ է դառնում, որ պաշտոնական Բաքուն իր զենքի մատակարարման մեջ կենտրոնանում է Չինաստանից, Իսրայելից, Սերբիայից և Թուրքիայից ձեռք բերվող զինատեսակների վրա։

Թարգմանությունը՝ Էմմա Չոբանյանի