Ադրբեջանը Չինաստանից զենիթահրթիռային համակարգեր է գնել, որոնք կցուցադրվեն Բաքվում զինվորական շքերթի ժամանակ

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Բաքվում նոյեմբերի 8-ին կայանալիք ռազմական շքերթի գիշերային փորձի ժամանակ հայտնի է դարձել, որ Ադրբեջանի զինված ուժերը ստացել են չինական HQ-9BE հեռահար զենիթահրթիռային համակարգեր: Դրանցից առնվազն երկուսը նկատվել են նոյեմբերի 4-ին շքերթի նախապատրաստական փորձի ժամանակ, գրում է ադրբեջանական իշխանամերձ Haqqin.az-ը։

Նշվում է, որ X-ում հրապարակվել են փորձից կադրեր՝ մեկնաբանության հետ մեկտեղ, որ Ադրբեջանը դարձել է չորրորդ երկիրը՝ Մարոկկոյից, Պակիստանից և Եգիպտոսից հետո, որը գնել է չինական հեռահար HQ-9BE համակարգեր: Բաքվում դրանց հայտնվելը բուռն քննարկման առարկա է դարձել փորձագետների շրջանում, հատկապես՝ տարածաշրջանում ՀՕՊ համակարգերի նկատմամբ աճող հետաքրքրության ֆոնին։

Բելգիական Army Recognition պարբերականի տվյալներով, որը մասնագիտանում է ռազմական տեխնոլոգիաների և անվտանգության ոլորտում, ադրբեջանական համակարգերի հայտնվելը ցույց է տալիս, որ առնվազն մեկ HQ-9BE մարտկոց լիովին պատրաստ է շահագործման։

Այս համակարգերը, ինչպես սպասվում է, կփոխարինեն կամ կլրացնեն ЗРК С-300ПМУ-2 հակաօդային պաշտպանության համակարգերը՝ ընդլայնելով երկրի հեռահար օդային սպառնալիքները որսալու կարողությունը և ամրապնդելով նրա բազմաշերտ հակաօդային պաշտպանության համակարգը։

HQ-9BE ՀՕՊ համակարգը Չինաստանի HQ-9 ՀՕՊ համակարգի արտահանման վերջին տարբերակն է, որը նախատեսված է օդային թիրախների լայն շրջանակի, այդ թվում՝ ինքնաթիռների, թևավոր և բալիստիկ հրթիռների, ինչպես նաև օդ-մակերևույթ դասի հրթիռների որսման համար։ Համակարգն ունի մինչև 250 կիլոմետր գործողության շառավիղ, մինչև 50 կիլոմետր որսման շեմ և հրթիռի արագություն, որը գերազանցում է Մախ 4-ը։ Յուրաքանչյուր համակարգ կարող է միաժամանակ ուղղորդել մինչև 16 հրթիռ՝ ութ թիրախ որսելու համար։ HQ-9BE-ն հագեցած է կիսաակտիվ ռադարային ուղղորդման համակարգով և դիմացկուն է խցանումների հանդեպ՝ ապահովելով կայուն աշխատանք նույնիսկ բարդ էլեկտրոնային պատերազմի միջավայրում։

ЗРК HQ-9BE ՀՕՊ համակարգն առաջին անգամ ներկայացվել է 2025 թվականի փետրվարին Աբու Դաբիում կայացած IDEX միջազգային պաշտպանական ցուցահանդեսում: Դրա արտադրողները՝ չինական Norinco և CATIC ընկերությունները, համակարգը ներկայացրել են որպես ամերիկյան Patriot-ի և ռուսական С-400-ի մրցակցային այլընտրանք: Յուրաքանչյուր գնդի համար մոտավորապես 1,5 միլիարդ դոլար արժողությամբ HQ-9BE-ն զգալիորեն ավելի էժան է, քան իր արևմտյան համարժեքներըները: Գնումների վերաբերյալ քաղաքական սահմանափակումների բացակայությունը համակարգը հատկապես գրավիչ է դարձնում այն ​​երկրների համար, որոնք ձգտում են դիվերսիֆիկացնել իրենց զենքի աղբյուրները։

Պակիստանի բանակում HQ-9BE ՀՕՊ համակարգերն ինտեգրված են բազմաշերտ ՀՕՊ համակարգի մեջ՝ ապահովելով Իսլամաբադի և Ռավալպինդիի պաշտպանությունը: Եգիպտոսն օգտագործում է HQ-9B-ի ձևափոխված տարբերակը՝ Սուեզի ջրանցքը և Կարմիր ծովի ափը պաշտպանելու համար։ Մարոկկոյում 2020 թվականին շահագործման են հանձնվել չորս FD-2000B մարտկոցներ:

Ադրբեջանի կողմից HQ-9BE-ի ձեռքբերումը չինական հեռահար հրթիռային համակարգերի առաջին մատակարարումն է Հարավային Կովկաս: Մասնագետները կարծում են, որ այս որոշումը փոխում է տարածաշրջանային օդային պաշտպանության հավասարակշռությունը՝ ամրապնդելով Ադրբեջանի օդային տարածքը և ռազմավարական ակտիվները պաշտպանելու ներուժը։

Նշվում է, թե Ադրբեջանի համար HQ-9BE-ն ներկայացնում է քայլ դեպի բազմաշերտ հակաօդային պաշտպանության համակարգի մշակում, որը ինտեգրված է գործող «Бук-МБ» և «Тор-М2КМ» համակարգերի հետ: Նոր համակարգը հնարավորություն է տալիս խոցել տարբեր բարձրությունների և հեռավորությունների վրա գտնվող թիրախներ՝ ապահովելով Բաքվի, Կասպից ծովի ափի, նավթի և գազի ենթակառուցվածքների և հիմնական տրանսպորտային հանգույցների պաշտպանությունը։

Թարգմանությունը՝ Էմմա Չոբանյանի