30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
ՀՀ-ի հետ հարաբերությունների զարգացումը կընդլայնի առևտրային հնարավորությունները․ թուրք նախարարը խոսել է, այսպես կոչված, «Զանգեզուրի միջանցքից
Քաղաքականություն
10.11.2025 | 13:20
Թուրքիայի արդյունաբերության և տեխնոլոգիաների նախարար Մեհմեթ Ֆաթիհ Քաջըրը Իգդիր այցի ընթացքում հանդիպել է նահանգապետ Էրջան Թուրանի, ապա գործարարների և արդյունաբերողների հետ։ Թուրքական լրատվամիջոցների փոխանցմամբ՝ նա անդրադարձել է նաև Հայաստանի հետ հարաբերությունների կարգավորման գործընթացից։
Խոսելով, այսպես կոչված,«Զանգեզուրի միջանցքից», նա ասել է, թե Իգդիրը 5-10 տարվա ընթացքում կհասնի շատ կարևոր կետի։
«Իգդիրի առաջընթացը կսկսվի։ Զանգեզուրի միջանցքը ոչ միայն կկապի Ադրբեջանն ու Նախիջևանը, այլև Թուրքիան կկապի ամբողջ թյուրքական աշխարհի հետ։ Հայաստանի հետ հարաբերությունների զարգացումը կընդլայնի առևտրային հնարավորությունները տարածաշրջանում։ Այս ամենը նոր հնարավորություններ կստեղծի Թուրքիայի և Իգդիրի համար»,-հայտարարել է թուրք նախարարը։
Թարգմանությունը՝ Էմմա Չոբանյանի
