11.08.2026 | 16:59
Ատրճանակներ, դանակներ, կռփազենք և թմրանյութ․ ՆԳՆ ոստիկանությունը ուժեղացված ծառայությունն է իրականացրել
Ոստիկանները բացահայտել են հանցագործության 85 դեպք
Հասարակություն
29.10.2018 | 22:18
Ըստ ոստիկանության օպերատիվ հաղորդագրությունների ամփոփագրերի` հոկտեմբերի 26-ից 29-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 85 դեպք, տեղեկացնում են ՀՀ ոստիկանության տեղեկատվության և հասարակայնության հետ կապերի վարչությունից:
Բացահայտվել է մասնավորապես՝ խարդախության 15, մարմնական վնասվածք հասցնելու 14, անձնական ունեցվածքի գողության 11, յուրացման կամ վատնման 7, ծեծի 6, պաշտոնեական լիազորությունների չարաշահման 5, թմրամիջոցի հայտնաբերման 3, անձի առևանգման, կողոպուտի, հարկերից խուսափելու և թմրանյութի իրացման 2-ական, բռնաբարության կամ բռնաբարության փորձի, բնակարանային գողության, դրամանենգության, ավտոմեքենա փախցնելու, գույքի դիտավորությամբ ոչնչացման, խուլիգանության, կաշառակերության, բժշկական օգնություն և սպասարկում իրականացնողների կողմից մասնագիտական պարտականությունները ոչ պատշաճ կատարելու, փաստաթղթի կեղծիքի, ապօրինի կերպով կռփազենք կրելու, ինքնիրավչության, սպանության սպառնալիքի, բժշկական օգնություն և սպասարկում իրականացնողների կողմից մասնագիտական պարտականությունները չկատարելու կամ ոչ պատշաճ կատարելու, բնակարանի անձեռնմխելիությունը խախտելու, անձնական կամ ընտանեկան կյանքի մասին տեղեկություններ ապօրինի հավաքելու, պահելու, օգտագործելու կամ տարածելու և պետական սահմանն ապօրինի հատելու 1-ական դեպքեր։
Հայտնաբերվել է 2 անհետ կորած, 6 հետախուզվող, կամավոր ներկայացել են 5-ը: Գրանցվել է զենք-զինամթերքի կամավոր հանձնման 10 դեպք:
Նախկինում կատարված հանցագործություններից բացահայտվել են անձնական ունեցվածքի գողության և կողոպուտի 2-ական, մարմնական վնասվածք հասցնելու, բնակարանային գողության և ճանապարհատրանսպորտային պատահար 1-ական դեպքեր:
Անցած 3 օրվա ընթացքում հանրապետությունում արձանագրվել է ճանապարհատրանսպորտային 48 պատահար, ինչի հետևանքով 2 մարդ զոհվել է, 76-ը՝ ստացել տարբեր աստիճանի մարմնական վնասվածքներ:
