09.06.2026 | 14:50
Մանդատ վերցնելու հարցը կորոշենք ՍԴ դիմելուց հետո՝ խորհրդակցելով շեմը անցած ուժերի հետ․ Սաղաթելյան․ ՏԵՍԱՆՅՈՒԹ
Լոնդոնն Ուկրաինային վերջերս Storm Shadow հրթիռների նոր խմբաքանակ է մատակարարել
Քաղաքականություն
03.11.2025 | 21:27
Մեծ Բրիտանիան վերջերս Ուկրաինային է փոխանցել ևս մի քանի Storm Shadow հրթիռներ։ Այս մասին հաղորդում է Bloomberg-ը՝ վկայակոչելով իրազեկ աղբյուրներին, գրում է BBC-ի ռուսական ծառայությունը։
Կիևի կողմից ստացված հրթիռների ճշգրիտ քանակը չի նշվում, սակայն նոր մատակարարումները պետք է Ուկրաինային ապահովեն ամբողջ ձմռան համար անհրաժեշտ պաշարներով։ Մեծ Բրիտանիան մտավախություն ունի, որ Ռուսաստանն այս ժամանակահատվածում կակտիվացնի հարձակումները։
Լոնդոնն առաջին անգամ Կիևին մինչև 250 կմ հեռահարության Storm Shadow թևավոր հրթիռներ է փոխանցել 2023 թվականին։ Ուկրաինան, իր հերթին, դրանք առաջին անգամ օգտագործել է Ռուսաստանում ռազմական թիրախներին հարվածելու համար 2024 թվականի նոյեմբերին։ Բրիտանիայի իշխանությունները չեն ասում, թե պատերազմի սկզբից ի վեր Կիևն ընդհանուր քանի նման հրթիռ է ստացել։
Թարգմանությունը՝ Էմմա Չոբանյանի
