07.09.2026 | 17:54
Արարատ Միրզոյանն ու Լատվիայի ԱԳ նախարարը արձանագրություն են ստորագրել
Բելգիայում ՆԱՏՕ-ի ռազմական բազայի վերևում 2 անգամ անօդաչուներ են նկատվել
Քաղաքականություն
02.11.2025 | 16:40
ՆԱՏՕ-ի Քլայնե-Բրոգել ավիաբազայի (գտնվում է Բելգիայի հյուսիս-արևելքում՝ Փեր քաղաքում) վերևում երկու անգամ նկատվել են անհայտ անօդաչու թռչող սարքեր, փոխանցում է DW-ն։
Բելգիայի պաշտպանության նախարար Թեո Ֆրանկենը նոյեմբերի 2-ի առավոտյան X սոցիալական ցանցում հայտնել է, որ նախորդ գիշեր երեք հաղորդում է ստացվել Քլայնե-Բրոգել ավիաբազայի վերևում նկատված անօդաչուների վերաբերյալ։ Նրա խոսքով՝ խոշոր անօդաչուները անցել են ռազմական օբյեկտի վրայով մեծ բարձրությամբ, և դա սովորական թռիչք չէր․ նրանց ակնհայտ նպատակը հենց Քլայնե-Բրոգել բազան էր։
Միաժամանակ, Ֆրանկենը նշել է, որ անօդաչուների ճնշման (խանգարման) համակարգը չի կարողացել արդյունավետորեն գործել։ Նախարարը ենթադրել է, որ դա կարող էր տեղի ունենալ մեծ հեռավորության կամ ռադիոհաճախականությունների սխալ ընտրության պատճառով։ Անօդաչուներին հետապնդել են ոստիկանության և ռազմական ուղղաթիռները, սակայն մի քանի կիլոմետր անց կապը կորել է։ Ֆրանկենը հավելել է, որ դեպքի առնչությամբ հետաքննություն է տարվում։
Լրատվամիջոցների տվյալներով՝ անօդաչուն նկատվել է նաև Անտվերպենի Դերնե օդանավակայանի տարածքում, որտեղ մի պահ բախման իրական վտանգ է եղել ինքնաթիռի հետ։
HLN պարբերականին դաշնային ոստիկանությունը հաստատել է այս տեղեկությունը՝ նշելով, որ անօդաչուն մոտ ժամը 19:00-ին կախվել է օդանավակայանի վերևում և որոշ ժամանակ անց հեռացել է։
