06.04.2026 | 19:51
Իրանը մերժել է ԱՄՆ-ի առաջարկը՝ ժամանակավոր հրադադարի վերաբերյալ
Թվային հիգիենա և առցանց սոցիալական փոխհարաբերություններ․ մեկնարկել է կիբեռանվտանգության իրազեկման արշավը
Հասարակություն
01.11.2025 | 12:49
Հոկտեմբերի 31-ին ՀՀ բարձր տեխնոլոգիական արդյունաբերության նախարար Մխիթար Հայրապետյանի մասնակցությամբ Լոռու մարզի ՔՈԱՖ Սմարթ կենտրոնում մեկնարկել է Կիբեռանվտանգության իրազեկման արշավը․ հայտնում են գերատեսչությունից՝ նշելով, որ նախաձեռնության նպատակն է բարձրացնել կիբեռանվտանգության վերաբերյալ տեղեկացվածությունը հանրակրթական դպրոցների սովորողների, մանկավարժների և ծնողների շրջանում։
Մասնակցել է ավելի քան 300 մարդ։
Նախարար Հայրապետյանը միջոցառմանը հանդես է եկել բանախոսությամբ՝ խոսելով կիբեռանվտանգության, տվյալների պաշտպանության, արհեստական բանականության կիրառկումների, դիպֆեյք տեխնոլոգիաների և ապատեղեկատվության մասին:
Հանդիպման ընթացքում նախարարը և թվային անվտանգության հարցերով փորձագետ Սամվել Մարտիրոսյանը վարել են հարցուպատասխանի ձևաչափով քննարկում։ ՀՏՀԳ Համակարգչային միջադեպերի արձագանքման ազգային կենտրոնի աշխատակիցներն էլ իրենց հերթին մասնակիցներին փոխանցել են թվային հիգիենայի և առցանց սոցիալական փոխհարաբերությունների վերաբերյալ գիտելիքներ։
Կիբեռանվտանգության իրազեկման արշավը միտված է օգնելու քաղաքացիներին դառնալ ավելի տեղեկացված և պատասխանատու առցանց միջավայրում։
Արշավն իրականացվում է ՀՀ բարձր տեխնոլոգիական արդյունաբերության նախարարության և Հայաստանի տեղեկատվական համակարգերի գործակալության (ՀՏՀԳ) համատեղ նախաձեռնությամբ։ Ծրագրի ընթացքում նախատեսվում է կազմակերպել ավելի քան 20 մարզային հանդիպում պետական հանրակրթական ուսումնական հաստատություններում, ինչպես նաև տարբեր մարզերում գտնվող ՔՈԱՖ եւ ԹՈՒՄՈ կենտրոններում, Դիլիջանի կենտրոնական դպրոցում։
