11.09.2026 | 22:38
Իսրայելի պաշտպանության բանակը հայտարարել է Գազայում ՀԱՄԱՍ-ի երկու ռազմական հրամանատարների սպանության մասին
Չենք կարծում, որ Ադրբեջանի՝ ամենաբարձր մակարդակով մասնակցությունը ՀՀ-ում կայանալիք գագաթնաժողովին հնարավոր կլինի. Հաջիև
Քաղաքականություն
31.10.2025 | 22:43
Ադրբեջանի նախագահի օգնական Հիքմեթ Հաջիևը հնարավոր չի համարում նախագահ Իլհամ Ալիևի մասնակցությունը Երևանում կայանալիք Եվրոպական քաղաքական համայնքի 8-րդ գագաթնաժողովին: Այս մասին տեղեկացնում են ադրբեջանական լրատվամիջոցները։
«Նախ, Երեւանում կայանալիք Եվրոպական քաղաքական համայնքի գագաթնաժողովին Ադրբեջանի նախագահի մասնակցության պաշտոնական հրավեր-նամակ դեռ չի ստացվել: Երկրորդ՝ ներկա պայմաններում մենք չենք կարծում, որ Ադրբեջանի՝ ամենաբարձր մակարդակով մասնակցությունն այդ միջոցառմանը հնարավոր կլինի»,- ասել է նա։
Հիշեցնենք՝ ՀՀ արտաքին գործերի նախարար Արարատ Միրզոյանը հայտարարել էր, որ Հայաստանի իշխանություններն Ադրբեջանի նախագահ Իլհամ Ալիևին հրավիրել են մասնակցելու Եվրոպական քաղաքական համայնքի գագաթնաժողովին, որը նախատեսված է 2026 թվականի մայիսին՝ Երևանում: Ադրբեջանական իշխանական լրատվամիջոցը, հղում անելով դիվանագիտական աղբյուրներին, նշել էր, որ երկկողմ հարաբերությունների ներկայիս մակարդակը դեռևս թույլ չի տալիս նախագահ Ալիևի այցը Երևան դիտարկել ակտուալ քայլ։
