31.10.2026 | 22:35
Հայաստանի ներկայացուցիչ Ալինա Չարաևան դուրս եկավ եզրափակիչ
Նեթանյահուն հրամայել է հարվածներ հասցնել Գազայի հատվածին
Քաղաքականություն
28.10.2025 | 22:49
Պաղեստինյան ՀԱՄԱՍ խմբավորմանը հրադադարը խախտելու և պատանդների մարմինները վերադարձնելու համար խաբելու մեջ մեղադրելուց հետո Իսրայելի վարչապետ Բենիամին Նեթանյահուն հրամայել է հարվածներ հասցնել Գազայի հատվածին։ Այս մասին փոխանցում է BBC-ի ռուսական ծառայությունը։
«Անվտանգության ոլորտում խորհրդակցություններից հետո վարչապետ Նեթանյահուն հանձնարարել է բանակին անհապաղ հզոր հարվածներ հասցնել Գազայի հատվածում», – ասված է Իսրայելի կառավարության ղեկավարի գրասենյակի հայտարարության մեջ:
Դրանից հետո ՀԱՄԱՍ-ը հայտնել է, որ դեռևս չի հանձնի Իսրայելին ևս մեկ պատանդի աճյուն:
Իսրայելը ՀԱՄԱՍ-ին մեղադրել է Գազայում հրադադարը խախտելու մեջ, երբ խմբավորումը վերադարձրել է նախկինում հայտնաբերված պատանդի աճյունի մի մասը՝ մեկ այլ զոհված գերու մարմնի փոխարեն:
Երկուշաբթի երեկոյան ՀԱՄԱՍ-ը փոխանցել է պատանդների 28 մարմիններից 16-ը, որոնք համաձայնել էր վերադարձնել զինադադարի համաձայնագրին համապատասխան: Այն կնքվել է ԱՄՆ միջնորդությամբ և ուժի մեջ է մտել հոկտեմբերի 10-ին։
