08.06.2026 | 20:35
Նիդերլանդներն աջակցում է Հայաստանին. Ռոբ Յետտեն
Իսրայելը ՀԱՄԱՍ-ին մեղադրել է հրադադարը խախտելու մեջ
Քաղաքականություն
28.10.2025 | 22:22
Իսրայելը ՀԱՄԱՍ-ին մեղադրել է հրադադարը խախտելու մեջ։ ՑԱԽԱԼ-ը հարվածներ է հասցրել Գազայի հատվածի հարավում գտնվող ենթակառուցվածքների օբյեկտներին, որոնք օգտագործում է ահաբեկչական խմբավորումը, գրում է The Jerusalem Post-ը՝ հղում անելով Իսրայելի վարչապետի գրասենյակին:
Հարվածի պատճառ են դարձել հաղորդագրություններն այն մասին, որ ՀԱՄԱՍ-ի անդամները կրակ են բացել իսրայելցի զինվորների վրա Ռաֆահում: Բենիամին Նեթանյահուն նաև խոստացել է ավելի կոշտ պատասխաններ տալ իսլամիստներին հրադադարի հետագա խախտումների դեպքում:
Ավելի վաղ հաղորդվել էր, որ ՀԱՄԱՍ-ի զինյալները հակատանկային հրթիռ են արձակել և կրակ բացել Գազայի հատվածում Ռաֆահ քաղաքի մոտակայքում տեղակայված ՑԱԽԱԼ-ի ստորաբաժանումների ուղղությամբ: Իսրայելական հրետանին պատասխան հարվածներ է հասցրել գրոհայինների դիրքերին։
