28.06.2026 | 18:55
Վթարված մեքենայում հայտնաբերվել է նախկին նախարար Գագիկ Ստամբուլցյանի մարմինը
Գյումրիի Թատերական հրապարակում կկայանա «Ավետիք Իսահակյան-150. երգեր և երկեր» փառատոնը
Մշակույթ
24.10.2025 | 17:42
ԿԳՄՍ նախարարության աջակցությամբ Ավետիք Իսահակյանի ծննդյան 150-ամյակի հոբելյանական միջոցառումների շրջանակում հոկտեմբերի 25-ին՝ ժամը 17:00-ին, Գյումրիի Թատերական հրապարակում կկայանա «Ավետիք Իսահակյան-150. երգեր և երկեր» փառատոնը։
«Ծրագրի նպատակն է Գյումրիում կազմակերպել մեծ տոնախմբություն և ևս մեկ անգամ ներկայացնել Իսահակյանի գրական ժառանգությունն ու համախմբել Վարպետի ստեղծագործության սիրահարներին, ինչպես նաև նպաստել փառատոնային միջավայրի զարգացմանն ու զբոսաշրջիկների ներգրավմանը:
Ծրագիրն իրականացնում է «Այ-Լինկ» գաղափարների բաց հարթակ կրթամշակութային հասարակական կազմակերպությունը՝ համագործակցելով տասնյակ կրթական ու մշակութային կազմակերպությունների, ստեղծագործական խմբերի և անհատների հետ։
«Երկեր և երգեր» նախագծի «Իսահակյանը՝ երգերի մեջ» համերգի ընթացքում ելույթ կունենա Գյումրու ժողովրդական գործիքների պետական նվագախումբը, որը կներկայացնի Իսահակյանի խոսքերով գրված և հատուկ նվագախմբի համար մշակված ստեղծագործություններ»,- ասված է գերատեսչության տարածած հաղորդագրությունում։
