30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Արկադի Ղուկասյանը Բաքվի դատարանում իր անհամաձայնությունն է հայտնել որոշ փաստաթղթերի մասով․ մյուս հայ գերիները միջնորդություններ են ներկայացրել
Քաղաքականություն
20.10.2025 | 23:10
Բաքվի դատարանում Արցախի ղեկավարների և ալյլ պաշտոնյաների նկատմամբ հարուցված շինծու գործերով հերթական դատական նիստում Արցախի ԱԺ նախագահ Դավիթ Իշխանյանը խնդրանքով դիմել է դատարանին՝ որպես ապացույց ևս երկու նյութ հետազոտել։ Ադրբեջանական լրատվամիջոցների հաղորդմամբ՝ դատավոր Զեյնալ Աղաևը հայտարարել է, որ եթե նշված նյութերն Իշխանյանը կամ նրա փաստաբանը ներկայացնեն դատարանին, դրանք կդիտարկվեն որպես ապացույց հետազոտելու համար։
Դավիթ Իշխանյանը նշել է, որ ընդմիջման ժամանակ ցանկանում է առանձին հանդիպել իր փաստաբանի հետ՝ այս հարցը քննարկելու համար։ Նախագահող դատավորը համաձայնվել է։
Արցախի ԱԳ նախկին նախարար Դավիթ Բաբյանն էլ խնդրել է, որ քրեական գործում ներառվեն մի քանի միջադեպերի հետ կապված փաստաթղթեր և որպես ապացույց հետազոտվեն։ Նախագահող դատավորը տեղեկացրել է, որ հետազոտման հարցը կքննարկվի վերոնշյալ էպիզոդների հետ կապված փաստաթղթերը դատարանին ներկայացնելուց հետո։
Արցախի նախկին նախագահ Արկադի Ղուկասյանն իր հերթին հանդես է եկել հայտարարությամբ, որում արտահայտել է իր ընդհանուր դիրքորոշումը հետազոտված փաստաթղթերի վերաբերյալ, ինչպես նաև իր անհամաձայնությունը դրանցից մի քանիսի և դրանցում ներկայացված մանրամասների հետ։
Հաջորդ դատական նիստը նշանակվել է հոկտեմբերի 23-ին։
Թարգմանությունը՝ Էմմա Չոբանյանի
